សុវត្ថិឌី ធារិកា បើករបរលក់ម្ជូរអនឡាញ

2016-10-19 17:10:47
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតបេក្ខនារី Cambodia Idol រដូវកាលទី១ សុវត្ថិឌី ធារិកា ក្រៅពីអាជីពជាអ្នកចម្រៀង ពេលនេះនាងកំពុងតែដំណើការបើកអាជីវកម្មថ្មីមួយទៀតដោយលក់ម្ជូរតាមរយៈអនឡាញ់។ នេះបើតាម កញ្ញា សុវត្ថិឌី ធារិកា ប្រាប់មកកាន់ Sabay ។

“ច៎ាសបងពេលនេះ ខ្ញុំមានបំរើសេវាកម្មលក់ម្ជូរតាមរយៈអនឡាញ ហើយខ្ញុំក៏មានគំរោងយូរហើយដែរ ចំពោះការបើកលក់ម្ជូរតាមរយៈអនឡាញនេះ តែទើបដំណើរការបានមួយសប្តាហ៍ទេបង ខ្ញុំលក់ម្ជូរតាមអនឡាញដោយសារតែហាងដែលខ្ញុំត្រូវដាក់ម្ជូរលក់សាងសង់មិនទាន់រួច ពេលហាងសាងសង់រួច ខ្ញុំនឹងដាក់លក់នៅក្នុងហាងវិញ"។ កញ្ញា សុវត្ថិឌី ធារិកា ថ្លែង។

តារាចម្រៀងធ្មេញជំពើសរូបនេះបានបន្តថា ៖ បន្ទាប់ពីសេវាកម្មលក់ម្ជូរតាមរយៈអនឡាញដំណើរការបានមួយអាទិត្យ មានអតិថិជន ច្រើនគួសមបានខលមកកុម្មង់ទិញម្ជូររបស់នាងជាបន្តបន្ទាប់។ នាងបានបន្តថា៖ មូលហេតុដែលបើកហាងលក់ម្ជូរដោយសារតែនាង ចូលចិត្តញ៉ាំម្ជូរ ម្យ៉ាងវិញទៀត នាងចង់ធ្វើអ្វីឲ្យខុសប្លែកពីអ្នកសិល្បៈមួយចំនួនដែលបើកហាងលក់សំលៀកបំពាក់ ឬហាងកែ សម្ផស្ស។

កញ្ញា សុវត្ថិឌី ធារិកា បានបញ្ជាក់ថា ក្រៅពីបើកអាជីវកម្មលក់ម្ជូរនាង ក៏មានគំរោងបើកហាងលក់របស់ញ៉ាំផ្សេងទៀតដែរ តែយ៉ាងណា នាងសុំលាក់សិន៕

ដោយ៖ ឆុង ស៊ីណាន រូបថតផ្តល់ឲ្យ៖