កាល​ពី​ម្សិលមិញ​មាន​ព័ត៌មាន​លេច​ធ្លាយ​ថា​ Apple នឹង​ប្រារព្ធ​កម្មវិធី​មួយ​នា​ថ្ងៃ​ទី​ ២៧ តុលា​ នេះ​ដើម្បី​ប្រកាស​ពី​កុំព្យូទ័រ​ Mac ជំនាន់​​ថ្មី ហើយ​ថ្ងៃ​នេះ​​ក្រុមហ៊ុន​ Apple បាន​បញ្ជាក់​ជា​ផ្លូវ​ការ​ថា​ព័ត៌មាន​លេច​ធ្លាយ​ជា​ការ​ពិត។

នៅ​លើ​វិបសាយ​ក្រុមហ៊ុន​ Apple បាន​បង្ហោះ​ពី​ការ​អញ្ជើញ​ចូល​រួម​កម្មវិធី​ដែល​នឹង​ធ្វើ​ឡើង​នា​ថ្ងៃ​ទី​ ២៧ តុលា វេលា​ម៉ោង​ ១០ ព្រឹក​ ម៉ោង​នៅ​សហរដ្ឋអាមេរិក​ ឬ ស្មើ​នឹង​ម៉ោង ១២ យប់​នៅ​កម្ពុជា។ តាម​រយៈ​ការ​អញ្ជើញ​នេះ​ដែរ​មាន​សរសេរ​ជា​អក្សរ​ "hello again” អម​ដោយ​ឡូហ្គោ​​រូប​សញ្ញា​ Apple។

រូបរាង Concept MacBook Pro

ទាក់​ទង​នឹង​កុំព្យូទ័រ​ Mac ជំនាន់​ថ្មី​មាន​ពាក្យ​ចចាមអារ៉ាម​ផ្សាយ​ថា​ម៉ូដែល MacBook Pro ​មាន​បំពាក់​មុខងារ​ Touch ID ស្កេន​ក្រយៅ​ដៃ​នៅ​លើ​ប៊ូតុង​បិទ/បើក និង ​ប្ដូរ​ប្រើ​រន្ធ​ USB Type-C ហើយ​ការ​រចនា​រូបរាង​រំពឹង​ថា​នឹង​មាន​ការ​ប្រែ​ប្រួល​ខុស​ពី​មុន។ ចំពោះ​ iMac និង MacBook Air វិញ​ក៏​ប្រហែល​នឹង​ទទួល​បាន​ការ​អាប់ដេត​ថ្មី​ដែរ៕​​​​​​​​​​​ ​ ​​​​​

ចុច​អាន៖ Apple ដាស់​តឿន​​ពី​ឆ្នាំង​សាក​ iPhone ​ក្លែង​ក្លាយ​​លក់​លើ​ Amazon

ប្រែ​សម្រួល៖ ហៃ​ សុខ​ហេង ប្រភព៖ GSMArena​ ​