ជយោ! កម្ពុជា ឡើងវគ្គបន្តហើយ ក្រោយ ទីម័រខាងកើត ៣-២
- 2016-10-22 03:38:00
- ចំនួនមតិ 0 | ចំនួនចែករំលែក 0
ជយោ! កម្ពុជា ឡើងវគ្គបន្តហើយ ក្រោយ ទីម័រខាងកើត ៣-២
ចន្លោះមិនឃើញ
ក្រុមជម្រើសជាតិកម្ពុជាបានបង្កើតកំណត់ត្រាឡើងវគ្គចែកពូលរបស់ខ្លួននៃពានរង្វាន់ AFF Suzuki Cup 2016 បន្ទាប់ពីបានយកឈ្នះក្រុមទីម័រខាងកើតដោយលទ្ធផល ៣-២ សម្រាប់ការប្រកួតចុងក្រោយ។ ចំពោះក្រុមឡាវវិញបានយកឈ្នះប៊្រុយណេដោយលទ្ធផល ៤-៣។
សម្រាប់៤៥នាទីដំបូង កម្ពុជា និងទីម័រខាងកើត បានបញ្ចប់ដោយលទ្ធផល ២-២។ ២គ្រាប់របស់កម្ពុជារកបាន ទិត្យ ឌីណា នៅនាទីទី២ និង ចាន់ វឌ្ឍនាកានៅនាទីទី១៧ឲ្យកម្ពុជា ខណៈ Almeida ស៊ុតពិន័យ១១ម៉ែត្របានសម្រេចនៅនាទីទី២០ និង Gama ស៊ុតចូលនាទី៣៦នៃយុទ្ធនាការជម្រុះពានរង្វាន់ AFF Suzuki Cup 2016 នៅលើទីលានវាលស្មៅសិប្បនិម្មិតនៃពហុកីឡដ្ឋានជាតិ ក្នុងរាជធានីភ្នំពេញ និងផ្សាយផ្ទាល់ដោយ BTV។
ចំពោះការប្រកួតនៅវគ្គទី២ ក្រុមកម្ពុជាបានវាយសម្រុកយ៉ាងខ្លាំងដោយមានឱកាសស៊ុតជាញឹកញាប់ ខណៈទីម័រខាងកើតក៏បានព្យាយាមវាយសម្រុកដែរ។ ទីបំផុតនៅនាទីទី៧៨ តារាឆ្នើម ចាន់ វឌ្ឍនាកា បានបំប៉ោងសំណាញ់ទីជាលើកទី២ដើម្បីឲ្យកម្ពុជាទទួលបានជ័យជម្នះតែម្តង។ លទ្ធផលនេះមានន័យថា ក្នុងវគ្គជម្រុះក្នុងពានរង្វាន់មួយគិតចាប់តាំងពីឆ្នាំ១៩៩៨គឺមានតែកម្ពុជាមួយគត់ដែលទទួលបានជ័យជម្នះគ្រប់ការប្រកួតពោលគឺ៣ប្រកួត ឈ្នះទាំង៣ និងមាន៩ពិន្ទុឈរលើកំពូលតារាងតែម្តង។
ក្រុមកម្ពុជា
ដោយក្រុមឡាវមាន៦ពិន្ទុស្ថិតនៅលំដាប់ទី២ បន្ទាប់ពីឈ្នះប៊្រុយណេដោយលទ្ធផល ៤-៣ ប៉ុន្តែគ្មានឱកាសឡើងវគ្គបន្តឡើយ៕
ក្រុមទីម័រខាងកើត
អត្ថបទ៖ ជាន ចាន់រ៉ា