ចិន កំពុងផលិតនាវាចម្បាំងបំបាំងកាយ ធំបំផុតលើពិភពលោក
- 2016-10-23 22:11:21
- ចំនួនមតិ 0 | ចំនួនចែករំលែក 0
ចិន កំពុងផលិតនាវាចម្បាំងបំបាំងកាយ ធំបំផុតលើពិភពលោក
ចន្លោះមិនឃើញ
ចិន កំពុងផលិតនាវាចម្បាំងបំបាំងកាយ ដ៏ធំបំផុតនៅអាស៊ី និងនៅលើពិភពលោក ដែលមានឈ្មោះថា "Type 005” និងគ្រោងបញ្ចប់រួចរាល់នៅចុងឆ្នាំ២០១៧ ឬដើមឆ្នាំ២០១៨ខាងមុខ។
នាវាចម្បាំងបំបាំងកាយ "Type 005” ដែលគ្រោងបញ្ចប់ការផលិតនៅឆ្នាំ២០១៨
រូបភាពថ្មី ដែលបែកធ្លាយដោយអ្នកលេងអ៊ីនធឺណិតចិន បានបង្ហាញឲ្យឃើញថា រហូតមកទល់ពេលនេះនាវាចម្បាំង Type 005 បានសាងសង់រួចរាល់ត្រង់ចំណុចតួខ្លួនខ្លះៗហើយ។ នាវានេះ បានចាប់ផ្ដើមការផលិតតាំងពីឆ្នាំ២០១៥ ប៉ុន្តែអាជ្ញាធរប្រទេសចិន បានព្យាយាមលាក់បាំង ដោយពួកគេមិនចង់ឲ្យបែកធ្លាយ មុនពេលបញ្ចប់ការផលិតនោះទេ។
Type 005 មានទម្ងន់ ១៤០០០តោន និងមានប្រវែង ១៧៥ម៉ែត្រ ដែលគេជឿថា ជានាវាចម្បាំងដ៏បំផុតមួយនៅអាស៊ី និងនៅលើពិភពលោក។ នាវាចម្បាំងនេះ រចនាឡើងដើម្បីវាយប្រហារបានទាំងនៅលើទឹក បាញ់យកគោលដៅនានានៅលើគោក រួមទាំងអាចបាញ់ទម្លាក់មីស៊ីល នៅលើអាកាសទៀតផង។ បើតាមគម្រោង Type 005 នឹងបញ្ចប់ការសាងសង់ និងអាចប្រើប្រាស់បាន យ៉ាងយូរនៅដើមឆ្នាំ២០១៨៕
ប្រែសម្រួល៖ វិន ជីវ័ន្ត ប្រភព៖ Daily Mail | Popsci