Ryan Giggs រិះគន់កីឡាករ Man Utd រឿងដូរអាវ ក្រោយចាញ់ Chelsea
- 2016-10-25 17:36:02
- ចំនួនមតិ 0 | ចំនួនចែករំលែក 0
Ryan Giggs រិះគន់កីឡាករ Man Utd រឿងដូរអាវ ក្រោយចាញ់ Chelsea
ចន្លោះមិនឃើញ
Ryan Giggs វីរបុរសក្លឹប Manchester United បានរិះគន់កីឡាករក្រុមបិសាចក្រហម Zlatan Ibrahimovic និង Anthony Martial ចំពោះកាយវិការរបស់ពួកគេ ក្រោយចប់ការប្រកួត ពេលចាញ់ក្រុមតោខៀវ Chelsea ៤-០ កាលពីយប់ថ្ងៃអាទិត្យ។
Ryan Giggs វីរបុរសក្លឹប Manchester United
ក្រោយចប់ការប្រកួត Zlatan បានដូរអាវជាមួយ Eden Hazard ខ្សែបម្រើក្រុម Chelsea ដោយបញ្ចេញទឹកមុខសើចសប្បាយ ខណៈដែល Martial បានដើរចេញពីទីលាន ដោយឱបមិត្តរួមជាតិ N'Golo Kante យ៉ាងស្និទ្ធស្នាល។ ចំណុចទាំងនេះ ធ្វើឲ្យ Giggs ដែលធ្លាប់ចំណាយពេល ២៩ឆ្នាំនៅក្លឹប Man Utd មិនពេញចិត្តឡើយ។
“នៅពេលដែលអ្នកចាញ់ក្នុងការប្រកួតបាល់ទាត់ ហើយអ្នកដោះដូរអាវ នោះជារឿងដែលខ្ញុំមិនចូលចិត្តទេ។ បើអ្នកចាញ់ ៤-០ អ្នកគួរអបអរដៃគូប្រកួត អរគុណដល់អ្នកគាំទ្រ ហើយដើរចេញពីទីលាន... អ្នកមិនគួរឈរនៅលើទីលានហើយដោះដូរអាវ និងសើចជាមួយកីឡាករក្រុមផ្សេង ដែលឈ្នះក្រុមអ្នកទេ”។ Giggs បានប្រាប់ដល់ Premier League TV។
Zlatan (ស្តាំ) ដូរអាវជាមួយ Hazard និងសើច ក្រោយចប់ការប្រកួត
Martial (ស្តាំ) ឱបមិត្តរួមជាតិ Kante ក្រោយចប់ការប្រកួត
Zlatan អតីតតារាឆ្នើមក្រុម PSG ខកខានរកគ្រាប់ឲ្យក្រុម Man Utd ៥ប្រកួតហើយនៅ Premier League ខណៈដែល Martial ដែលដូរជំនួស Jesse Lingard បន្ទាប់ពីនាទី៦៥ កាលប៉ះ Chelsea ក៏មិនអាចស្វែងរកគ្រាប់ឲ្យក្រុមលោក Jose Mourinho បានដែរ៕
ប្រែសម្រួល៖ វិន ជីវ័ន្ត ប្រភព៖ Daily Mail