វៀតណាម ជាប់ប្រវត្តិសាស្ត្រថ្មី បានលេង U-20 World Cup
- 2016-10-25 18:32:10
- ចំនួនមតិ 0 | ចំនួនចែករំលែក 0
វៀតណាម ជាប់ប្រវត្តិសាស្ត្រថ្មី បានលេង U-20 World Cup
ចន្លោះមិនឃើញ
ក្រុមជម្រើសជាតិ U-19 វៀតណាម បានជាប់ឡើងលេង U-20 World Cup 2017 ហើយ បន្ទាប់ពីយកឈ្នះលើម្ចាស់ផ្ទះបារ៉ែន ១-០ ក្នុងការប្រកួត AFC U-19 Championship វគ្គ៨ក្រុមចុងក្រោយ កាលពីម្សិលមិញ។
ក្រុមជម្រើសជាតិ U-19 វៀតណាម
នេះជាលើកដំបូងក្នុងប្រវត្តិសាស្ត្រសម្រាប់វៀតណាម ដែលបានឡើងលេង U-20 World Cup និងជាក្រុមនៅតំបន់អាស៊ីអាគ្នេយ៍ទី៤ ដែលបានលេងព្រឹត្តិការណ៍លំដាប់ពិភពលោកនេះ បន្ទាប់ពីឥណ្ឌូណេស៊ី កាលឆ្នាំ (១៩៧៩), ម៉ាឡេស៊ី (១៩៩៧ – ក្នុងនាមម្ចាស់ផ្ទះ) និងមីយ៉ាន់ម៉ា (២០១៥)។
U-20 World Cup ជាព្រឹត្តិការណ៍ដ៏ល្បីមួយ ដែលកន្លងមកធ្លាប់មាន Super Star ជាច្រើន ក៏ធ្លាប់លេងក្នុងពានរង្វាន់នេះដែរ ដូចជា Lionel Messi, Sergio Aguero, David Silva និង Paul Pogba ជាដើម។
សម្រាប់ U-20 World Cup 2017 នឹងធ្វើឡើងនៅប្រទេសកូរ៉េខាងត្បូង ដែលមានក្រុមអាស៊ី៥គឺ ម្ចាស់ផ្ទះកូរ៉េខាងត្បូង អ៊ីរ៉ង់ ជប៉ុន អារ៉ាប៊ីសាអ៊ូឌីត វៀតណាម, ក្រុមមកពីអឺរ៉ុប៥គឺ អង់គ្លេស បារាំង អាល្លឺម៉ង់ អ៊ីតាលី ព័រទុយហ្គាល់ រួមទាំងក្រុមមកពីទ្វីបផ្សេងៗទៀតសរុបទាំងអស់ ២៤ក្រុម នឹងត្រូវលេងចាប់ពីថ្ងៃទី២០ ខែឧសភា ដល់ថ្ងៃទី១១ ខែមិថុនា ឆ្នាំ២០១៧ខាងមុខ៕
ប្រែសម្រួល៖ វិន ជីវ័ន្ត ប្រភព៖ footballchannel.asia