ក្រុម​ត្រួត​ពិនិត្យ​ប្រព័ន្ធ​អ៊ីនធឺណិត​ Turkey Block បាន​រាយការណ៍​ឲ្យ​ដឹង​ថា ​ប្រទេស​ទួរគី​បាន​បិទ​មិន​ឲ្យ​បើក​បណ្ដាញ​ Facebook, WhatsApp, Twitter និង​ YouTube ទូទាំង​ប្រទេស ចាប់​តាំង​ពី​ម៉ោង​ ១ ២០ នាទី​ព្រឹក ម៉ោង​ទួរគី។

ការ​ត​ភ្ជាប់​ទៅ​កាន់​បណ្ដាញ​​ទាំង​ ៤ ខាង​លើត្រូវបាន​បិទ​ ឬ ពន្យឺត​ល្បឿន​យ៉ាង​ខ្លាំង​ដោយ​​ភ្នាក់ងារ​​ផ្គត់​ផ្គង់​សេវា​អ៊ីនធឺណិត។ ការ​បិទ​បណ្ដាញ​នេះ​គេ​ជឿ​ថា​មាន​ជាប់​ពាក់ព័ន្ធ​នឹង​ការ​ឃាត់​ខ្លួន​ទាំង​យប់​​នៃ​សមាជិក​សភា​ចំនួន​ ១១ រូប​​របស់​គណបក្ស​ប្រជាធិបតេយ្យ​នៃ​ប្រទេស​ទួរគី។

Confirmed: Twitter, Facebook and YouTube blocked by throttling in #Turkey - developing incidenthttps://t.co/XA9JZaxn54 pic.twitter.com/3sAjwikGY5

— Turkey Blocks (@TurkeyBlocks) November 3, 2016

នេះ​​មិន​មែន​ជា​លើក​ទី​មួយ​ទេ​ដែល​រដ្ឋាភិបាល​ទួរគី​បាន​បិទ​​ប្រព័ន្ធ​អ៊ីនធឺណិត​នៅ​ពេល​មាន​បញ្ហា​ផ្ទៃ​ក្នុង​នោះ។ ជាក់​ស្ដែង​កាល​ពី​ខែ​មុន​​ រដ្ឋាភិបាល​បាន​បិទ​ Google Drive, Dropbox, OneDrive និង GitHub ដើម្បី​កុំ​ឲ្យ​លេច​ធ្លាយ​អ៊ីមែល​ដែល​ជា​​របស់​រដ្ឋ​មន្ត្រី​ក្រសួង​ថាមពល​និង​ធនធាន​ធម្មជាតិ​ Berat Albayrak៕​​​​​​​​​​​

ចុច​អាន៖ Facebook រក​ចំណូល​បានកប់​ក្ដោង​ទៀត​ហើយ​នៅ​ត្រីមាសទី ៣

ប្រែ​សម្រួល៖ ហៃ​ សុខ​ហេង ប្រភព៖ TNW​ ​​​​​​​​​​