សេវាវេរលុយពេញនិយមសម្រាប់អ្នកនៅជាយដែន

2016-11-11 07:16:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រជាពលរដ្ឋនៅតាមជាយដែនបានសម្ដែងអារម្មណ៍កក់ក្ដៅក្រោយពីមានសេវាផ្ទេរប្រាក់បានរីកសាយភាយទៅដល់មូលដ្ឋានរបស់ខ្លួន។ ជាក់ស្ដែងនៅច្រកអន្តរជាតិប៉ោយប៉ែត ខេត្តបន្ទាយមានជ័យ ដែលគេដឹងថា ជាច្រកធំមួយនាំទំនិញចូលរវាងកម្ពុជា-ថៃ ដ៏សន្ធឹកសន្ធាប់នោះ បានប្រើប្រាស់សេវាផ្ទេរប្រាក់កាន់តែច្រើនព្រោះប្រើសេវានេះរហ័ស និង មានសុវត្ថិភាព ផ្ទុយពីពេលមុនការផ្ញើលុយពីខេត្តមួយទៅខេត្តមួយតាមរយៈមនុស្ស ឬឡានឈ្នួលដែលពុំមានសុវត្ថិភាព។

កំពុងអង្គុយនៅលើដៃរទេះអូសដឹកឥវ៉ាន់ លោក សោភា មកពីខេត្តកំពង់ចាម ហើយចាប់អាជីពជាអ្នកអូសរទេះនៅច្រកអន្តរជាតិប៉ោយប៉ែត ខេត្តបន្ទាយមានជ័យ បានប្រាប់ក្រុមការងារ "ផ្លូវទៅស្រុក" ថា "ខ្ញុំមកធ្វើការនៅទីនេះជាង ១០ ឆ្នាំហើយ ខ្ញុំមិនដែលទៅផ្ទះវិញទេ ព្រោះ ខ្ញុំខ្មាសគេ ព្រោះអត់សល់អី តែខ្ញុំបានប្រាក់តិចតួច ខ្ញុំផ្ញើលុយខ្លះដែរទៅម៉ែ ពុក។ វិធីផ្ទេរលុយរបស់ខ្ញុំគឺផ្ញើតាមភ្នាក់ងារ ងាយស្រួលណាស់ផ្ញើភ្លាមដល់ពួកគាត់ភ្លាម"។

បុរសវ័យជាង ៣០ឆ្នាំរូបនេះបានឲ្យដឹងទៀតថា កាលពីជាង១០ឆ្នាំមុន លោកបានមកធ្វើការនៅទីនេះដំបូងគឺផ្ញើលុយទៅម៉ែ ពុក តាមឡានឈ្នួល។ "ខ្ញុំបារម្ភដែរពេលផ្ញើលុយតាមឡានឈ្នួលអត់ទុកចិត្តថា លុយហ្នឹង ដល់ដៃម៉ែ ពុកអត់ ទម្រាំបានដល់ដៃគាត់ ១-២ថ្ងៃ ទើបយើងទូរសព្ទបញ្ជាក់គាត់បាន"។ ជាអ្នកលក់ខោ-អាវ នៅផ្សាររោងក្លឿ ប្រទេសថៃ កញ្ញា មុន្នី រស់នៅក្រុងប៉ោយប៉ែត បាននិយាយថា ការបញ្ជាទិញឥវ៉ាន់ពេលខ្លះមិនបាច់ផ្ញើលុយតាមគេទៀតទេ គ្រាន់តែផ្ញើលុយតាមរយៈភ្នាក់ងារ ឯឥវ៉ាន់ក៏មកដល់។ "ភ្ញៀវខ្លះបញ្ជាទិញឥវ៉ាន់តាមទូរសព្ទ យើងអាចផ្ញើឥវ៉ាន់ឲ្យគេ ហើយគេផ្ញើលុយតាមរយៈភ្នាក់ងារ ដូចជាងាយស្រួលច្រើនណាស់បងអើយ!”។

ដោយមានតម្រូវការកាន់តែច្រើនលើសេវាផ្ទេរប្រាក់ពីមួយឆ្នាំទៅមួយឆ្នាំ អាជីវកម្មវេរលុយក៏ដុះដាលច្រើនដែរដោយសព្វថ្ងៃនេះ សេវាផ្ទេរប្រាក់ធំៗ មានជិត១០ កំពុងប្រតិបត្តិការនៅកម្ពុជា។ សេវានេះកំពុងធ្វើការប្រកួតប្រជែងគ្នាដោយបន្ទាបតម្លៃនៃការបង់សេវាឲ្យកាន់ទាបដើម្បីទាក់ទាញអ្នកប្រើប្រាស់ រួមផ្សំនឹងការបង្កើនគុណភាពសេវាផងដែរ។

ក្នុងចំណោមសេវាផ្ទេរប្រាក់ធំៗ សេវាផ្ទេរប្រាក់ អេ អឹម ខេ ជាសេវាវេរលុយដែលបានដំណើរការតាំងពីឆ្នាំ ២០១១ មកកំពុងទទួលបានការចាប់អារម្មណ៍ខ្លាំងពីប្រជាជនទូទាំង ២៥ រាជធានី ខេត្ត។ ចាប់អារម្មណ៍ព្រោះសេវាវេលុយរបស់គ្រឹះស្ថានមីក្រូហិរញ្ញវត្ថុ អេ អឹម ខេ បានយកតម្លៃសេវាធូរថ្លៃជាងគេចំពោះការផ្ទេរប្រាក់ទៅកាន់គណនី (សម្រាប់អ្នកទទួលមានគណនីសន្សំ អេ អឹម ខេ) ពោលគឺថ្លៃសេវាត្រឹមតែ ២ ០០០ រៀលប៉ុណ្ណោះ។

លោក ជិប សុខារី ភ្នាក់ងារវេរលុយរបស់ អេ អឹម ខេ នៅកែងបេនឡានក្រុងប៉ោយប៉ែត ភូមិ បាលិលេយ្យ១ សង្កាត់ និងក្រុងប៉ោយប៉ែត ខេត្តបន្ទាយមានជ័យ ដែលមានយីហោកៅប៊ុនឡាយ ១៩៣ បាននិយាយថា សេវាវេរលុយ អេ អឹម ខេ ដែលកំពុងប្រតិបត្តិការសព្វថ្ងៃមាន វេរពីសាច់ប្រាក់ទៅសាច់ប្រាក់ វេរសាច់ប្រាក់ទៅគណនី វេរពីគណនីទៅគណនី និង វេរពីគណនីទៅសាច់ប្រាក់។

*លោកជីប សុខារី ភ្នាក់ងារវេរលុយរបស់ អេ អឹម ខេ សាខាប៉ោយប៉ែត*

ក្នុងចំណោមសេវាទាំងអស់របស់ អេ អឹម ខេ ដែលអតិថិជននិយមប្រើជាងគេនោះ គឺសេវាផ្ទេរប្រាក់ ព្រោះការផ្ទេរប្រាក់របស់ អេ អឹម ខេ មានទំនុកចិត្តខ្ពស់ មានសុវត្ថិភាព រហ័សទាន់ចិត្តមានភ្នាក់ងារជាង ២ ៥០០ កន្លែងទូទាំងប្រទេស ហើយតម្លៃអស់ត្រឹមតែ ២ ០០០ រៀលឡើងទៅ ម្យ៉ាងទៀត អេ អឹម ខេ អាចផ្ទេរប្រាក់បានបីប្រភេទ សាច់ប្រាក់ខ្មែរ ដុល្លារ និង លុយបាតថៃ។ លោក ជិប សុខារី និយាយ៕

សូមទស្សនាវីដេអូខាងក្រោម៖