មួន ចំណាន ប្រាប់តិចនិក ដើម្បីក្លាយខ្លួនជា Google Local Guides

2016-11-17 03:02:36
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធី Google Local Guides ជាកម្មវិធីមួយដែល Google អនុញ្ញាតឲ្យអ្នកទាំងអស់គ្នាដែលចូលចិត្តប្រើ Google Map អាចធ្វើការដៅទីតាំងកន្លែងដែលអ្នកកំពុងស្ថិតនៅ ផ្ដល់ព័ត៌មានខ្លីៗពីទីតាំងនោះ និងផ្ដល់ពិន្ទុដល់ទីតាំងនោះដូចទៅនឹងមុខងារ CheckIn ឬ Review នៅលើ Facebook ដែរ។

មួន ចំណាន រូបពាក់អាវពណ៍ទឹកក្រូច

លោក មួន ចំណាន ជាកូនខ្មែរដំបូងគេ ដែលទទួលបានរង្វាន់ថតរូបជាក្រុមស្អាតជាងគេពី Google បានប្រាប់ឲ្យដឹងថា តួនាទីជា [Google Local Guides](https://www.google.com/local/guides/?utm_source=marketing&utm_medium=vanityURL&utm_campaign=microsite "Google Local Guides") មិនទាមទារអ្វីច្រើននោះទេ គ្រាន់តែអ្នកទាំងអស់គ្នាថតរូប ឬ Upload រូបភាពស្អាតៗដាក់លើ Google រួចដៅផែនទី ចូលចិត្តប្រើផែនទីនៅលើ Google Map ឬ Google Street View។ ការចូលរួមត្រូវមានអាយុចាប់ពី ១៨ ឆ្នាំឡើងទៅ មានគណនី Gmail មួយនិងត្រូវដៅទីតាំងឬទីក្រុងដែលអ្នកកំពុងរស់នៅមួយច្បាស់លាស់ដូចជា ទីក្រុងភ្នំពេញជាការស្រេច។

លោកបានបន្ថែមទៀតថា យុវវ័យដែលនិយមចូលចិត្តទៅដើរកម្សាន្តនៅតាមតំបន់រមណីយដ្ឋាន ឬតំបន់ទេសចរណ៍ស្អាតៗក្នុងស្រុក គួរតែថតរូបទាំងនោះដាក់បញ្ចូលក្នុង Google Map និងផ្ដល់ពិន្ទុឬវាយតម្លៃទីនោះ (Rate) ដើម្បីជាការទាក់ទាញភ្ញៀវ ទេសចរណ៍បរទេសឱ្យមកទស្សនាកាន់តែច្រើន ព្រោះភាគច្រើន ពួកគេ(បរទេស)ស្វែងរកព័ត៌មានពីតំបន់ទេសចរណ៍ទាំងនោះតាមរយៈ Google Map៕