ក្រៅពីអង់គ្លេស ភាសាអ្វីសំខាន់សម្រាប់យុវជនងាយរកការងារនៅកម្ពុជាបច្ចុប្បន្ន?

2016-11-18 00:07:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីភាសាអង់គ្លេសដែលប្រើប្រាស់ទូទៅក្នុងវិស័យការងារបច្ចុប្បន្ន យុវជនគួរចេះភាសាចិនមួយបន្ថែមទៀត ដើម្បីជាភាពងាយស្រួលក្នុងការរកការងារនៅកម្ពុជាបច្ចុប្បន្ន។ នេះបើតាម អ្នកជំនាញនៃក្រុមហ៊ុនសេវាកម្មជ្រើសរើសធនធានមនុស្សមួយនៅកម្ពុជា។

លោក លី វណ្ណារិទ្ធ ជាប្រធានប្រតិបត្តិការនៃក្រុមហ៊ុនសេវាកម្មជ្រើសរើសធនធានមនុស្ស CAMHR បានប្រាប់ថា ដោយសារនៅកម្ពុជាគឺមានក្រុមហ៊ុនចិនជាងគេធ្វើការវិនិយោគ ដែលផ្ដល់នូវការងារជាច្រើនដល់យុវជនកម្ពុជា ។ នេះជាការលើកឡើងរបស់លោក នាក្នុងឱកាសនៃពិធីពិព័រណ៍ការងារថ្នាក់ជាតិដែលបានធ្វើឡើងនៅកោះពេជ្រកាលថ្ងៃទី ៥-៦ វិច្ឆិកា កន្លងទៅ។

ដោយយោងតាមរបាយការណ៍ចេញផ្សាយពីធនាគារជាតិ ចិនជាប្រទេសវិនិយោគនៅកម្ពុជាធំបំផុតក្នុងរយៈពេល២ទសវត្សមកនេះ សរុបជាទឹកប្រាក់ ១៩,២ពាន់លានដុល្លារ។ ដូចនេះនៅកម្ពុជាមានក្រុមហ៊ុនចិនជាច្រើនដែលត្រូវការ អ្នកចេះភាសាចិននោះ។

កន្លងទៅថ្មីៗនោះ ប្រធានាធិបតីចិនបានមកធ្វើទស្សនកិច្ចផ្លូវការលើកដំបូងនៅកម្ពុជា ដែលបង្ហាញពីចំណងមិត្តភាពរវាងចិន និងកម្ពុជាកាន់តែរឹងមាំខ្លាំង ដែលជំរុញឲ្យអ្នកវិនិយោគ និងភ្ញៀវទេសចរចិនចូលមកកម្ពុជាកាន់តែច្រើន៕