៨ ចំណុចបើចង់ក្លាយជា Web Developerដ៏ពូកែម្នាក់

2016-11-28 07:30:35
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមការលើកឡើងរបស់លោក ទេពកេន វណ្ណកន ដែលជាអ្នកជំនាញខាងផ្នែក Web Development និងជា CEO នៃក្រុមហ៊ុន CAMWP DEV ដែលបម្រើសេវាកម្មខាងផ្នែកវេបសាយ និងព័ត៌មានវិទ្យាបានលើកពីកត្តាសំខាន់ ដើម្បីក្លាយទៅជាអ្នកជំនាញខាង Web Development ដ៏ពូកែមួយរូប។

លោក ទេព កនវណ្ណកន

**១/ រៀនភាសាអង់គ្លេសអោយច្បាស់**

ភាសាអង់គ្លេសគឺជាយានសំខាន់សម្រាប់យល់ដឹងពីការសរសេរកូដអោយបានល្អ។ មិនតែប៉ុណ្ណោះវាជួយអោយយើងមានភាពងាយស្រួលសម្រាប់ធ្វើការស្រាវជ្រាវថែមទៀតផង។

២/ អនុវត្តជាប្រចាំ

ជាការពិតណាស់ដើម្បីអោយការសរសេរកូដ កាន់តែស្ទាត់ជំនាញ អ្នកសរសេរកូដទាំងអស់ត្រូវហ្វឹកហាត់ជារៀងរាល់ថ្ងៃ។ ការអនុវត្តបានច្រើនធ្វើអោយ Developer កាន់តែមានចំណេះដឹងទូលំទូលាយ មានសមត្ថភាព និង បទពិសោធន៍កាន់តែច្រើន។

៣/ រៀន Hack code

ស្ដាប់មួយភ្លែត ហាក់ដូចជារឿងអាក្រក់ ប៉ុន្តែតាមពិតការ Hack code សម្រាប់ Developer គឺជាការរកចន្លោះប្រហោងរបស់ Website មួយ (Bug) ដើម្បីយល់អោយកាន់តែស៊ីជម្រៅពីការពង្រឹងប្រព័ន្ធសុវត្ថិភាពរបស់ Website នោះ។ លើកលែងតែករណីដែលជនមួយចំនួន Hackជ្រៀតចូលទៅលួចទិន្នន័យ ឬប្រាក់កាសរបស់អ្នកដទៃតាម Online ទើបជារឿងអាក្រក់។

៤/ រៀនពីគោលបំណងនៃភាសាកូដនីមួយៗ

ជាធម្មតា ភាសាកូដមានច្រើនប្រភេទ ដូចជា JAVA និង PHP ជាដើម។ ក្នុងភាសាសរសេរកូដនីមួយៗ តែងមានលក្ខណៈពិសេសរៀងៗខ្លួនដែលតម្រូវអោយអ្នកសរសេរត្រូវយល់ដឹងជាមុន និងរៀនពីវាអោយបានច្បាស់លាស់។

៥/ រៀនពីអ្នកសរសេរកូដដទៃ

ដើម្បីទទួលបានបទពិសោធន៍ និង ចំណេះដឹងថ្មីៗ ត្រូវតាមដានការចែករំលែកព័ត៌មាននានាទាក់ទង Web Development ពីអ្នកជំនាញវេបសាយល្បីៗ។

៦/ សរសេរកូដអោយត្រូវតាមស្តង់ដារ

ការសរសេរកូដបានត្រឹមត្រូវតាមស្តង់ដារជារឿងសំខាន់បំផុត ព្រោះដើម្បីមានភាពងាយយល់ជាសកល និង មានរបៀបរៀបរយល្អក្នុងការធ្វើការងារជាក្រុម។

៧/ ជ្រើសរើសកម្មវិធីកែកូដមួយដែលល្អ

ការជ្រើសរើសកម្មវិធីកែកូដមួយដែលល្អអាចអោយអ្នកសរសេរកូដងាយដឹង និងចូលទៅកែកំហុសនានាលើកូដដែលខ្លួនបានសរសេររួច។ កម្មវិធីដែលល្អមានដូចជា Sublime Textនិង Notepad++។

៨/ រៀនភាសាកូដថ្មីៗជារៀងរាល់ឆ្នាំបន្ថែម

ការសិក្សាគឺគ្មានទីបញ្ចប់នោះឡើយ ដូចនេះត្រូវរៀនហើយរៀនទៀត នោះទើបអាចក្លាយជា Developer ម្នាក់ដ៏ពូកែបាន។ ជាពិសេសក៏ត្រូវដើរអោយទាន់បច្ចេកវិទ្យាថ្មីៗរបស់ពិភពលោកដែល Update ជារៀងរាល់ថ្ងៃ។