បុរស IT Hack ទូរទស្សន៍យក្សចាក់រឿងអាសអាភាស ព្រោះធុញផ្លូវស្ទះ
- 2016-11-29 06:34:14
- ចំនួនមតិ 0 | ចំនួនចែករំលែក 0
បុរស IT Hack ទូរទស្សន៍យក្សចាក់រឿងអាសអាភាស ព្រោះធុញផ្លូវស្ទះ
ចន្លោះមិនឃើញ
បុរស IT វ័យ ២៤ ឆ្នាំមួយរូបដែលមានមុខជំនាញជាអ្នកវិភាគ ត្រូវបានចាប់ខ្លួនដោយសារ Hack ផ្ទាំងទូរទស្សន៍យក្សដើម្បីចាក់រឿងអាសអាភាសផ្សាយទៅកាន់មនុស្សរាប់ពាន់នាក់ដែលជាប់គាំងចរាចរនៅទីក្រុងហ្សាកាតា ប្រទេសឥណ្ឌូណេស៊ី។
ការរាយការណ៍ឲ្យដឹងថាអ្នកធ្វើដំណើរបានសម្ដែងអារម្មណ៍ហួសចិត្តខ្លាំង បន្ទាប់ពីឃើញរឿងអាសអាភាសចាក់ផ្សាយជាសាធារណៈបែបនេះ។ រូបភាពពីហេតុការណ៍នេះត្រូវបានចែកចាយតៗគ្នាពេញបណ្ដាញទំនាក់ទំនងសង្គម។ បុរស IT បានអះអាងថាធ្វើរឿងនេះឡើងដោយខ្លួនគាត់ម្នាក់ឯងមិនមានបក្សពួកដទៃឡើយ ហើយគាត់អាច Hack ផ្ទាំងទូរទស្សន៍បានដោយសារឃើញព័ត៌មាន Login បង្ហាញលើផ្ទាំងទូរទស្សន៍។
បើតាមផ្លូវច្បាប់ទង្វើរបស់បុរស IT ខាងលើអាចឲ្យគាត់ត្រូវប្រឈមមុខនឹងការឃុំឃាំងរយៈពេល ៦ ឆ្នាំ ឬ អាចដល់ ១២ ឆ្នាំ ឯណោះ៕