Liverpool ចុកឈាមចាញ់ Bournemouth ចុងម៉ោង បើទោះនាំមុខ២គ្រាប់តង់ទី១

2016-12-05 00:55:20
ចំនួនមតិ 0 | ចំនួនចែករំលែក 0

ចន្លោះមិនឃើញ

Bournemouth បានវាយបកយកឈ្នះលើកដំបូងនៅរដូវកាលនេះ ក្រោយឈ្នះ Liverpool កាលពីយប់មិញក្នុងលទ្ធផល ៤-៣ បើទោះជាខ្លួនត្រូវគេនាំមុខ ២-០ នៅតង់ទី១ក៏ដោយ។

ចាប់ផ្ដើមការប្រកួតបានតែ ២០នាទី Liverpool បើកការនាំមុខ១គ្រាប់ដោយកីឡាករ Mane មុនពេលដែល Origi ញាក់ដាច់អ្នកចាំទីហើយស៊ុតគ្រាប់ទី២នៅនាទី ២២។

យ៉ាងណាក៏ដោយ នៅតង់ទី២ ខ្សែការពារឆ្វេង Milner ធ្វើឲ្យមានកំហុសនៅតំបន់អ្នកចាំទី ធ្វើឲ្យ Bournemouth បានបាល់ពិន័យ១១ម៉ែត្រ ១គ្រាប់ស៊ុតបញ្ចូលទី នៅនាទី ៥៣ដោយ Wilson ។ បន្ទាប់ពីគូប្រជែងនាំមុខ Liverpool បានបន្ថែម១គ្រាប់ទៀត ស៊ុតពីតំបន់ដំបូលទូកយ៉ាងល្អដោយ Emre Can។

ទោះជាត្រូវនាំមុខ២គ្រាប់មែនតែ Bournemouth នៅតែមិនអស់ចុះចាញ់ហើយបានវាយបកសឹងមិនគួរឲ្យជឿនៅ១៥នាទីចុងក្រោយចំនួន៣គ្រាប់ ស៊ុតបញ្ចូលទីដោយ Fraser នាទី៧៦, Cook នាទី៧៨ និង Aké នាទី៩០+៣។ បរាជ័យនេះធ្វើឲ្យក្រុមរបស់លោក Jurgen Klopp ចាញ់ពិន្ទុ Chelsea ដែលឈរទីកំពូលតារាងរហូត៤ពិន្ទុគិតត្រឹមសប្ដាហ៍ទី ១៤៕