តាមពិតតារាចម្រៀង G-Devith មានរឿង ១០ចំណុច ប្រិយមិត្តអាចមិនចាប់ភ្លឹក!

2016-12-07 03:33:04
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងរ៉ាវមួយចំនួនរបស់តារាចម្រៀងក្នុងចិត្តយុវវ័យ G-Devith អាចនឹងមានអ្នកគាំទ្ររបស់លោកមួយចំនួន មិនថាទាំងការងារសិល្បៈ និងរឿងរ៉ាវផ្ទាល់ខ្លួន តែមួយចំនួនទៀត ក៏មិនទាន់បានដឹង។ ដូច្នេះ តោះទៅតាមដាន១០ចំណុចសំខាន់ៗរបស់ ដេវីដ ទាំងអស់គ្នា ដែលលោកធ្លាប់បានបង្ហើបប្រាប់ Sabay ៖

១. G-Devith កើតថ្ងៃទី ១៣ ឧសភា ១៩៩៣ ដោយនៅលើខ្លួនលោក ក៏មានសាក់ពីថ្ងៃខែឆ្នាំកំណើតដូចគ្នា (XIXIXIV V-X-IXIV) ដែលបានសាក់នេះនៅដើមឆ្នាំ ២០១៥។

២. មុននឹងសម្រេចចិត្តបោះបង់ការសិក្សាមក ភ្នំពេញ ដេវីតធ្លាប់បង្កើតក្រុមរាំនៅខេត្ត បាត់ដំបង ដោយដើររាំមិនយកកម្រៃអស់រយៈពេលប្រមាណជា ៣ឆ្នាំ។

៣. មករស់នៅ ភ្នំពេញ អាជីពដំបូងរបស់ ដេវីត គឺជាអ្នកបញ្ចូលបទភ្លេង និងជួសជុលទូរស័ព្ទ នៅផ្សារឃ្លាំងរំសេវ។

៤. មុននឹងទទួលបានភាពជោគជ័យក្នុងវិថីសិល្បៈដូចសព្វថ្ងៃ ដេវីត បានធ្វើបទចម្រៀងជារឿយៗនៅលើបណ្ដាញសង្គមយូធូប ប្រមាណជា៣ឆ្នាំ ហើយបទចម្រៀងដែលធ្វើឲ្យអ្នកគាំទ្រចាប់ផ្ដើមស្គាល់នោះគឺ "Live Fast Die Young” ដែលចេញជាផ្លូវការនៅកំឡុងឆ្នាំ ២០១៤។

៥. ជីវិតជាតារាចម្រៀងរបស់ ដេវីត ប្រែប្រួលស្ទើរតែទាំងស្រុងនៅពេលបានជួប ពេជ្រ សោភា ជាពិសេសពេលបទចម្រៀង "No Money No Honey” បានចេញជាផ្លូវការ។ ដេវីត បានក្លាយជាតារាចម្រៀងស្ថិតនៅក្នុងចិត្តយុវវ័យជាច្រើន ហើយបទចម្រៀងល្បីចុងក្រោយរបស់គេគឺបទ "No Smoke"។

៦. បទចម្រៀងទោលនៅក្នុងផលិតកម្ម ហង្សមាស របស់គេដែលល្បីបំផុតគឺ "រាំញីកែងជើង" ចេញជាផ្លូវការកាលពីខែមេសា ២០១៥ មកទល់សព្វថ្ងៃមានអ្នកចូលទស្សនានៅលើបណ្ដាញសង្គមយូធូប ប្រមាណជា ៧.៤ លានដង ដែលជាតួលេខខ្ពស់មួយសម្រាប់បទចម្រៀងកម្ពុជា។

៧. ដេវីត ខិតខំធ្វើការងាររាល់ថ្ងៃ គឺក្នុងគោលបំណងតែមួយគត់ គឺចង់ជួយជ្រោមជ្រែងការសិក្សារបស់ប្អូនស្រីឲ្យដល់គោលដៅ ព្រោះ លោក គឺជាសសរទ្រូងក្នុងគ្រួសារ។

៨. នៅក្នុងឆ្នាំ ២០១៥ G-Devith និង ពេជ្រ សោភា បានសាងភាពភ្ញាក់ផ្អើលដល់បរទេសក្នុងកម្មវិធី "Migrant Arirang" នៅប្រទេសកូរ៉េ ដែលកម្មវិធីនេះ គេប្រារព្ធឡើងប្រមាណជា ១០ ឆ្នាំហើយ តែកម្ពុជាទើបបានចូលរួម៣ឆ្នាំចុងក្រោយប៉ុណ្ណោះ ដោយអ្នកទាំងពីរបានបង្ហាញសមត្ថភាពជាមួយបទចម្រៀង "ម៉ាក់ដឹងម៉ាក់វ៉ៃ" និងបទ " កាហ្វេ១៥០០" ។

៩. G-Dragon មេក្រុមចម្រៀង BIGBANG គឺតារាចម្រៀងនៅក្នុងដួងចិត្តរបស់គេ មិនថាការស្លៀកពាក់ ស្ទីលសាក់ សិល្បៈនៃការរ៉េប គឺ ដេវីត ព្យាយាមហ្វឹកហាត់ និងមានទំនោរទៅរក G-Dragon ដែរ ទោះបីជាមានការរិះគន់ក៏ដោយ។ មិនត្រឹមតែប៉ុណ្ណោះ ពេលទៅប្រទេសកូរ៉េ ដេវីត ក៏បានទៅថតមុខអាគារ YG ជាកន្លែងធ្វើការរបស់ G-Dragon ផងដែរ។