ម្ចាស់ជយលាភី «ខ្ញុំមិនគាំទ្រកម្មវិធីទូរទស្សន៍បង្ហាញពីហឹង្សាលើស្រ្តី» លេខ១ដល់លេខ៣សុទ្ធតែជាស្រ្តី

2016-12-09 10:39:56
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីការប្រកួតគ្នាជាច្រើនថ្ងៃកន្លងមកលើការបង្ហោះរូបភាព ឬវីដេអូស្ដីពី «ខ្ញុំមិនគាំទ្រកម្មវិធីទូរទស្សន៍ដែលបង្ហាញខ្លឹមសារហិង្សាលើស្ត្រី និងដៃគូស្និទ្ធស្នាល» ឥឡូវនេះអ្នកឈ្នះទាំង១០រូបត្រូវបានរកឃើញហើយ។ ក្នុងចំណោមអ្នកឈ្នះទាំង១០នាក៉ ម្ចាស់ជយលាភីលេខ១ ដល់លេខ៣គឺជាស្រ្តី។

កញ្ញា សែ និមល បេក្ខនារីជយលាភីលេខមួយបានឲ្យដឹងថា កញ្ញាបានចូលរូមប្រកួតខាងលើដោយបង្ហោះរូបភាពជាច្រើនដែលបង្ហាញពីការគាំទ្រអំពោះហិង្សា។ កញ្ញាថា៖ «តាមពិតទៅបង ខ្ញុំមិនបានធ្វើវីដេអូអីទេ តែបាន Post រូបច្រើន ក្រោយមកមានអ្នក Like, Comment និងShare បន្តបន្ទាប់ច្រើនឡើងៗ បូករួមទាំងការឆ្លើយតបទៅគេវិញជាហូរហែនូវចម្ងល់ផ្សេងៗ ដែលបានបំផុសការចាប់អារម្មណ៍ច្រើន»។

ចំណែកបេក្ខនារីជយលាភីលេខពីរ កញ្ញា វុនផាត ផុស្សត្តី និង លេខ៣ កញ្ញា ច្រឹង សាភឿត ក៏បានឲ្យដឹងដែរថាកញ្ញាទាំងពីរបានផលិតជាវីដេអូ ដែលបង្ហាញពីការមិនគាំទ្រដល់កម្មវិធីទូរទស្សន៍ណាដែលបង្ហាញពីហិង្សាលើដៃគូស្និទ្ធស្នាល ព្រមទាំងប្ដេជ្ញាចិត្តបន្តការផ្សព្វផ្សាយឲ្យមានអ្នកដឹងកាន់តែច្រើនថែមទៀត។

«ខ្ញុំផលិតជាវីដេអូខ្លីបែបកំប្លែង តែបង្កប់ដោយឈុតហិង្សាជាច្រើន ព្រោះតែកម្មវិធីកំប្លែងតាមទូរទស្សន៍ កន្លងម៉ោ ចូលចិត្តលេងបែបហ្នឹង ចឹងអាហ្នឹងជាសារមួយដែរ»។ ម្ចាស់ជយលាភីលេខ៣ បញ្ចាក់។

ជយលាភីលេខ៣ កញ្ញា ច្រឹង សាភឿត

បើតាមលោក ស សិលា មន្ត្រីជំនាញខាងសិក្សាស្រាវជ្រាវរបស់អង្គការមូលនិធិអាស៊ី បានឲ្យដឹងថាអ្នកមើលទូរទស្សន៍ មានហានិភ័យខ្ពស់ជាងអ្នកមិនបានមើលរហូតដល់១៧៨% ក្នុងការក្លាយជាអ្នករងគ្រោះនៃអំពើហិង្សា ព្រោះកម្មវិធីជាច្រើនរួមមានទាំងចម្រៀង ការផ្សាយពាណិជ្ជកម្ម កំប្លែង និងរឿងភាគសុទ្ធតែបង្កប់អំពើហិង្សា ដែលអ្នកទស្សនាមិនបានចាប់អារម្មណ៍ហើយបែរជាគិតថាជារឿងធម្មតាទៅវិញ។

ហេតុនេះហើយបានជាមានការបង្កើតនូវកម្មវិធីនេះឡើងដើម្បីផ្ដល់ឱកាសចូលរួមរបស់យុវជនក្នុងការទប់ស្កាត់អំពើហិង្សាលើស្ត្រី និងដៃគូស្និទ្ធស្នាលតាមកម្មវិធីទូរទស្សន៍ ព្រមទាំងចូលរួមផ្សព្វផ្សាយឲ្យបានកាន់តែទូលំទូលាយថែមឡើង។

កម្មវិធីប្រគល់រង្វាន់ត្រូវបានប្រព្រឹត្តទៅកាលពីព្រឹកថ្ងៃទី០៩ធ្នូនេះ នៅមជ្ឈមណ្ឌលសហប្រតិបត្តិការកម្ពុជា កូរ៉េ (CKCC) ក្រោមការរៀបចំរបស់វិទ្យាស្ថានបើកទូលាយ(Open Institute) សហការជាមួយ អង្គការមូលនិធិអាស៊ី (The Asia Foundation)។

អត្ថបទៈ យ៉ារិទ្ធ

ពាក្យទាក់ទង

ដៃគូសហការ

អត្ថបទពេញនិយម

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

រកឃើញចម្លាក់សត្វអណ្តើក ពេលធ្វើកំណាយស្រះទឹក នៅប្រាសាទបាយ័ន

អត្ថបទថ្មី

កាំភ្លើងធំឈរលេខ ១ ប៉ុណ្ណោះអាសន្ន ហើយតាមប្រកិតពីក្រោយដោយ Man City

បុរសសិង្ហបុរីម្នាក់ជាប់ទោស ក្រោយមើលថែឆ្មារបស់ខ្លួនមិនបានល្អ

Liverpool កំពុងតែចរចាជាមួយគ្រូហុល្លង់ម្នាក់ ដើម្បីមកជំនួស Klopp

ដំណើរកម្សាន្តរ៉ូមែនទិកច របស់គូស្នេហ៍ជាមួយ CORNETTO

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤