ឆ្នាំ ២០១៦ អត្រាលក់រថយន្ត Ford នៅទីផ្សារកម្ពុជា កើនឡើង ៣០%

2016-12-12 10:53:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីផ្សាររថយន្ត Ford នៅកម្ពុជា កំពុងរីកចម្រើន ដោយក្នុងឆ្នាំ ២០១៦ អត្រាលក់កើន ៣០% ស្មើនឹងជាង ១ ៣០០គ្រឿង បើប្រៀបធៀបរយៈពេលដូចគ្នាក្នុងឆ្នាំ ២០១៥។ នេះបើតាមការលើកឡើងពីលោក ឡោ វុទ្ធី ប្រធានគ្រប់គ្រងផ្នែកលក់រថយន្ត Ford។

លោក វុទ្ធី បាននិយាយទៀតថា ទីផ្សាររថយន្តរបស់Ford នៅកម្ពុជា កំពុងមានការសន្ទុះកើនឡើង គឺកើនឡើងដោយសារ ៣កត្តា សំខាន់៖ ទី១. កត្តាផលិតផល កត្តាទី២. កេរ្តិ៍ឈ្មោះរបស់ Ford និង ទី៣. កត្តាបុគ្គលិករបស់Ford បានផ្ដល់សេវាកម្មល្អសម្រាប់អតិថិជន។

ព័ត៌មានលម្អិតចុចទស្សនាវីដេអូខាងក្រោមនេះ

ទាក់ទងនឹងបញ្ហានេះដែរ លោក ងន សាំង នាយកក្រុមហ៊ុន RMA ដែលជាក្រុមហ៊ុននាំចូលរថយន្ត Fordប្រចាំប្រទេសកម្ពុជា បានសម្ដែងសុទិដ្ឋិនិយមថា អត្រាលក់រថយន្ត Ford នឹងកើនឡើងជាបន្ដ គឺ នៅក្នុងឆ្នាំ ២០១៧ ខាងមុខ នឹងលក់ចេញមានការកើនឡើង ប្រហាក់ប្រហែល ១ ៤០០ គ្រឿង។

ការលើកឡើងខាងលើនេះ ធ្វើឡើងបន្ទាប់ពីក្រុមហ៊ុន RMA បានរៀបចំកម្មវីធីដំណើរកម្សាន្តរបស់អតិថិជន Ford (Ford Adventure 2016) ពីភ្នំពេញ ប្រទេសកម្ពុជា ទៅកាន់ ខេត្តសុរិន្ទ ខេត្តបុរីរាម ប្រទេសថៃ កាលពីថ្ងៃទី ៨ ដល់ថ្ងៃទី ១១ ខែធ្នូកន្លងទៅនេះ។ នេះជាលើកទី ១០ហើយ ដែលក្រុមហ៊ុន RMA បានរៀបចំដំណើរកម្សាន្តជូនអតិថិជនរបស់ខ្លួន៕

អត្ថបទ៖ ប៊ិន ប៊ុណ្ណា