Super Junior គ្រោងត្រលប់មកឆាកតន្ត្រីវិញក្នុងឆ្នាំនេះ ក្រោយបញ្ចប់កាតព្វកិច្ចយោធា
- 2017-01-05 00:51:25
- ចំនួនមតិ 0 | ចំនួនចែករំលែក 0
Super Junior គ្រោងត្រលប់មកឆាកតន្ត្រីវិញក្នុងឆ្នាំនេះ ក្រោយបញ្ចប់កាតព្វកិច្ចយោធា
ចន្លោះមិនឃើញ
យោងតាមការរាយការណ៍របស់សារព័ត៌មានកូរ៉េ ក្រុមចម្រៀងជើងចាស់ Super Junior នឹងត្រលប់មកឆាកតន្ត្រីវិញក្នុងឆ្នាំនេះជាមួយអាល់ប៊ុមថ្មី បន្ទាប់ពីភាពស្ងប់ស្ងាត់រយៈពេលពីរឆ្នាំ។
សារព័ត៌មាន Star News បានចុះផ្សាយនៅថ្ងៃនេះថា Super Junior កំពុងរៀបចំចេញអាល់ប៊ុមថ្មីក្នុងអំឡុងឆមាសទីពីរនៃឆ្នាំនេះ។ នៅពេលសមាជិក Choi Siwon បញ្ចប់កាតព្វកិច្ចយោធារួចរាល់ក្នុងពាក់កណ្ដាលខែសីហា ពួកគេមានគម្រោង Comeback ជាមួយអាល់ប៊ុមថ្មីមួយមុនដំណាច់ឆ្នាំ។
បច្ចុប្បន្ននេះ សមាជិកនានារួមមាន Leeteuk, Kim Heechul, Yesung, Kangin, Shindong និង Sungmin បានបំពេញកាតព្វកិច្ចយោធាចប់សព្វគ្រប់អស់ហើយ ខណៈដែល Eunhyuk និង Siwon នឹងបានត្រលប់មកវិញនៅក្នុងខែកក្កដា និងខែសីហា។
មុនការចូលបំពេញកាតព្វកិច្ចយោធានេះ គឺនៅឆ្នាំ២០១៥ Super Junior បានចេញអាល់ប៊ុម "Magic” ដើម្បីអបអរខួប១០ឆ្នាំនៃការបង្ហាញខ្លួនរបស់ពួកគេ។ ចាប់តាំងពីចេញមុខដំបូងក្នុងឆ្នាំ២០០៥ Super Junior បានទទួលការចាប់អារម្មណ៍ជាច្រើនពីអ្នកគាំទ្រទាំងក្នុងនិងក្រៅប្រទេស ហើយសមាជិកម្នាក់ៗបានបញ្ចេញទេពកោសល្យពិសេសៗជាច្រើនដូចជាធ្វើជាពិធីករ តារាសម្ដែង អ្នកសម្ដែងល្ខោនតន្ត្រី (Musical) ក៏ដូចជាតារាចម្រៀងទោល ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
