Wow G-Devith ល្បីដល់សារព័ត៌មានថៃទៀត

2017-01-05 04:46:54
ចំនួនមតិ 0 | ចំនួនចែករំលែក 0

ចន្លោះមិនឃើញ

មានកាសែតនៅក្នុងប្រទេសថៃមួយបានចុះផ្សាយកាលពីម្សិលមិញពាក់ព័ន្ធនឹងតារាស្រុកខ្មែរក្នុងផលិតកម្មហង្សមាស G-Devith ថា នៅប្រទេសកូរ៉េខាងត្បូងមានតារានិយមលេងស្ទីលប្លែកៗ G-Dragon រីឯស្រុកខ្មែរមាន G-Devith ។

សារព័ត៌មានប្រទេសថៃបានរៀបរាប់ថា នៅប្រទេសកូរ៉េតារាចូលចិត្តច្រៀងបែបHip-Hop និងស្ទីល G-Dragon រីឯនៅខ្មែរមាន G-Devith ដែលនិយមលេងស្ទីលស្រដៀងទៅនឹងមេក្រុម Big Bang ប៉ុន្តែគេមិនបានសង្កត់ធ្ងន់ថា ងួន ចាន់ដេវីត ចម្លងស្ទីលតាមតារាកូរ៉េរូបនេះឡើយ។

សម្រាប់សាមីខ្លួនផ្ទាល់ ងួន ចាន់ដេវីត បានបង្ហាញអារម្មណ៍រំភើប រហូតនឹកស្មានមិនដល់ថាមានកាសែតថៃចុះផ្សាយពីខ្លួនយ៉ាងដូច្នេះ។ ក្នុងនោះលោកអះអាងថាទោះបីសារព័ត៌មានប្រទេសថៃ ចុះផ្សាយថាលោកចម្លងស្ទីលដូចមេក្រុម Big Bang G-Dragon ក៏លោកមិនអាក់អន់ស្រពន់ចិត្តដែរ ត្បិតអី Fan ភាគច្រើនដឹងថា G-Dragon គឺជា Idol របស់លោក។

G-devith ថ្លែង៖ “ wow surprise ណាស់បង គ្រាន់តែដឹងមានកាសែតបរទេស ចុះផ្សាយពីខ្ញុំចឹង។ សប្បាយចិត្ត ណាស់ដែលមានគេថាខ្ញុំជា G-Dragon ស្រុកខ្មែរ អ្នកណាមិនសប្បាយចិត្ត បានគេប្រដូចខ្លួនឯងទៅ នឹង Idolទៀតបង ណាមួយភាគច្រើន Fan គាត់បានដឹងហើយថាខ្ញុំតែងតែយកស្ទីលតាមគាត់"។

ម្ចាស់បទ "រាំញីកែងជើង" បានឲ្យដឹងទៀតថាក្នុងឱកាសឆ្នាំថ្មីលោកនឹងមានត្រៀមស្ទីលប្លែកៗ បន្ថែមទៀត សម្រាប់ចែកជូនប្រិយមិត្តបានប្លែកភ្នែក ដែលស្ទីលទាំងនោះនឹងមានចេញក្នុង MV បទថ្មីតែម្តង៕

ប្រភព ៖ MThai

អត្ថបទ៖ ថា ម៉ាលីដា