ប្រើកន្សែងជូតខ្លួនលើសពី៣ដង មិនព្រមបោកគក់ ប្រយ័ត្នជួបគ្រោះថ្នាក់ធំ
- 2017-01-06 06:39:28
- ចំនួនមតិ 0 | ចំនួនចែករំលែក 0
ប្រើកន្សែងជូតខ្លួនលើសពី៣ដង មិនព្រមបោកគក់ ប្រយ័ត្នជួបគ្រោះថ្នាក់ធំ
ចន្លោះមិនឃើញ
តាមធម្មតា កន្សែងជាវត្ថុប្រើប្រាស់ដ៏សំខាន់មួយ សម្រាប់ទម្លាប់អនាម័យរបស់យើង ប៉ុន្តែបើយោងតាមអ្នកជំនាញ បានឲ្យដឹងថា វាក៏អាចបង្កឲ្យមានគ្រោះថ្នាក់ ច្រើនជាងការជួយដែរ។
កន្សែងដែលយើងប្រើរួចច្រើនដង ដោយមិនបានបោកគក់ អាចដើរតួនាទីជា ទីជម្រកកខ្វក់សម្រាប់ បាក់តេរី ផ្សិត ស្បែកដែលងាប់ លាមក ទឹកនោម និង មេរោគជាច្រើនផ្សេងទៀត។ មេរោគដែលចេញពីបន្ទប់ទឹកទាំងនោះ នឹងតោងជាប់នៅលើកន្សែង រួចបង្កើនចំនួនកាន់តែច្រើនឡើង។
អ្នកជំនាញផ្នែកអនាម័យ លោកសាស្ត្រាចារ្យ Philip Tierno មកពីសកលវិទ្យាល័យវេជ្ជសាស្រ្ត «New York University School of Medicine» នៃទីក្រុង New York សហរដ្ឋអាមេរិក បានផ្ដល់អនុសាសន៍ថា យើងត្រូវតែបោកគក់កន្សែងរបស់យើង បន្ទាប់ពីប្រើរួច ៣ដង ដើម្បីជៀសវាងពីការឆ្លងមេរោគពីបន្ទប់ទឹក។
«ប៉ុន្តែលុះត្រាតែ យើងបោកគក់កន្សែងបានស្អាត និងស្ងួត១០០ភាគរយ »។ លោកសាស្ត្រាចារ្យ Tierno បានបន្ថែម។
ជាមួយគ្នានេះដែរ ចំពោះអ្នកប្រើប្រាស់កន្សែងរួមគ្នា មានហានិភ័យកាន់តែខ្លាំងពីការឆ្លងមេរោគ ដោយសារតែ ពួកគេអាចចូលមកក្នុងទំនាក់ទំនងសារពាង្គកាយមួយ ដែលរាងកាយមិនធ្លាប់ជួបពីមុនមក។
លោកសាស្ត្រាចារ្យ Tierno បានឲ្យដឹងថា «វារួមបញ្ចូលទាំងបាក់តេរី Staphylococcus Aureus ដែលអាចបង្កជាការកើត បូស មុន ឬ មេរោគផ្សេងៗ»៕