ខ្លោចចិត្តណាស់! ឪពុកបីសពកូនស្រី ដើរតាមផ្លូវរាប់គីឡូដី ដោយសារតែ...

2017-01-11 06:55:16
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសដ៏គួរឲ្យអាណិតម្នាក់ ត្រូវបង្ខំចិត្តបីសាកសពកូនស្រី អាយុ៥ឆ្នាំរបស់ខ្លួន ដើរតាមដងផ្លូវរាប់គីឡូដី បន្ទាប់ពីមន្ទីរពេទ្យ មិនព្រមផ្ដល់រថយន្ត សម្រាប់ដឹកសាកសព។

បុរសជាឪពុកខាងលើ ត្រូវបានគេស្គាល់ឈ្មោះថា Gati Dhibar រស់នៅក្នុងស្រុក Pechamundi ប្រទេសឥណ្ឌា បានដើរចម្ងាយ ១៥គីឡូម៉ែត្រ ដោយបីសាកសពកូនស្រីនៅក្នុងដៃ ទាំងទុក្ខសោក បន្ទាប់ពីនាងបានស្លាប់ នៅឯមជ្ឈមណ្ឌលសុខភាព «Palahada Community Health Centre» ស្ថិតក្នុងក្រុង Angul។

Gati Dhibar កំពុងបីសាកសពកូនស្រី

ក្រោយពេលបែកធ្លាយរឿងរ៉ាវ ដ៏គួរឲ្យខ្លោចចិត្តនេះឡើង អ្នកគ្រប់គ្រង និងឆ្មាំសន្តិសុខមន្ទីរពេទ្យ ត្រូវបានគេព្យួរការងារ តែម្ដង។

យ៉ាងណាមិញ នេះមិនមែនជាលើកទី១ឡើយ ដែលរឿងហេតុបែបនេះ បានកើតឡើង នៅក្នុងប្រទេសឥណ្ឌា។

កាលពីឆ្នាំមុន វីដេអូឃ្លិបមួយខ្សែ បានបង្ហាញឲ្យឃើញ បុរសម្នាក់បីសាកសពប្រពន្ធរបស់ខ្លួន ដើរតាមដងផ្លូវ យ៉ាងសោកសង្រេង ចម្ងាយ៨០គីឡូម៉ែត្រ ពីមន្ទីរពេទ្យ ទៅកាន់ក្រុង Bhawanipatna បន្ទាប់ពីខាងមន្ទីរពេទ្យ មិនព្រមផ្ដល់រថយន្ត សម្រាប់ដឹកសាកសព៕