Asus បើក Showroom ដំបូងបំផុតនៅកម្ពុជា ព្រឹកមិញ និងលក់ Smartphone-កុំព្យូទ័រ ធានាដល់២ឆ្នាំ

2017-01-11 09:55:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនអេឡិចត្រូនិកយក្សរបស់តៃវ៉ាន់ Asus បានបើក Showroom ជាផ្លូវការដំបូងបំផុតនៅកម្ពុជា កាលពីព្រឹកមិញនេះ នៅផ្លូវកម្ពុជាក្រោម ដោយមានដាក់លក់ Smartphone ម៉ាក Zenfone និងកុំព្យូទ័រទំនើបៗសុទ្ធរបស់ក្រុមហ៊ុនផ្ទាល់ ជាមួយនឹងការធានារហូតដល់ ២ ឆ្នាំឯណោះ។

Showroom ដែលត្រូវគេឌីហ្សាញយ៉ាងស្អាតមួយនេះ ក៏ដើរតួជាមជ្ឈមណ្ឌលសេវាកម្មជួសជុលម៉ាក Asus ដែលអតិថិជនអាចទទួលសេវាកម្មធានាជួសជុលដោយឥតគិតថ្លៃនៅទីនោះ។

លោក Jeff Lo ប្រធានក្រុមហ៊ុន Asus ប្រចាំតំបន់អាស៊ីប៉ាស៊ីហ្វិក ថ្លែងថា៖ "នេះជាលើកដំបូងបំផុតដែលយើងមានមជ្ឈមណ្ឌលសេវាកម្មជួសជុលនៅកម្ពុជា។ ការបង្កើតមជ្ឈមណ្ឌលសេវាកម្មនេះ គឺដើម្បីឲ្យអតិថិជន Asus គ្មានការព្រួយបារម្ភ បន្ថែមលើ Asus ផលិតផលិតផលមានគុណភាពស្រាប់"។

ទាក់ទងនឹង Smartphone លោកបន្តថា Zenfone កំពុងតែពង្រីកទីផ្សារយ៉ាងឆាប់រហ័ស ទោះបី Smartphone មួយនេះទើបប្រឡូកក្នុងទីផ្សារបាន ២ ឆ្នាំ ក៏ដោយ។

អតិថិជនដែលទិញផលិតផល Asus ទាំងអស់នៅ Showroom ឬមជ្ឈមណ្ឌលសេវាកម្មជួសជុលម៉ាក Asus និងហាងទូរសព្ទជាដៃគូសហការ នឹងទទួលបានសេវាកម្មធានាជួសជុលដោយឥតគិតថ្លៃលើ Hardware។

Smartphone ទទួលការធានារយៈពេល ១ ឆ្នាំ
កុំព្យូទ័រ ទទួលការធានារយៈពេល ២ ឆ្នាំ។

លោក ហុង លីម អគ្គនាយកក្រុមហ៊ុន VIT អ្នកចែកចាយផលិតផល Asus ផ្ដាច់មុខនៅកម្ពុជា បានឲ្យដឹងថា ការបង្កើតមជ្ឈមណ្ឌលនេះចង់ឲ្យអ្នកគាំទ្រ Asus កក់ក្ដៅ និងទុកចិត្តលើសេវាកម្មជួសជុលលក្ខណៈស្តង់ដារលើកុំព្យូទ័រ Desktop, Laptop និង Smartphone។

“នេះជាយុទ្ធសាស្ត្រទាក់ទាញអតិថិជនថ្មីៗ ដោយយើងមានបុគ្គលិកពេញដោយសមត្ថភាព និងត្រូវបានបណ្ដុះបណ្ដាលលើជំនាញជួសជុលត្រឹមត្រូវ"។ លោកបញ្ជាក់។

កម្មវិធីសម្ពោធព្រឹកមិញ រៀបចំដោយក្រុមហ៊ុន VIT សហការជាមួយក្រុមហ៊ុន Asus ដែលមានបទពិសោធន៍ផលិតកុំព្យូទ័រជាង ២៨ ឆ្នាំ និង Smartphone ម៉ាក Zenfone ជាង ២ ឆ្នាំ និងបុគ្គលិកជាង ១២ ០០០ នាក់ជុំវិញពិភពលោក៕

អត្ថបទ៖ វិទូ

ពាក្យទាក់ទង

ព័ត៌មានបច្ចេកវិទ្យាក្នុងស្រុក Asus

អត្ថបទពេញនិយម

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

រកឃើញចម្លាក់សត្វអណ្តើក ពេលធ្វើកំណាយស្រះទឹក នៅប្រាសាទបាយ័ន

អត្ថបទថ្មី

កាំភ្លើងធំឈរលេខ ១ ប៉ុណ្ណោះអាសន្ន ហើយតាមប្រកិតពីក្រោយដោយ Man City

បុរសសិង្ហបុរីម្នាក់ជាប់ទោស ក្រោយមើលថែឆ្មារបស់ខ្លួនមិនបានល្អ

Liverpool កំពុងតែចរចាជាមួយគ្រូហុល្លង់ម្នាក់ ដើម្បីមកជំនួស Klopp

ដំណើរកម្សាន្តរ៉ូមែនទិកច របស់គូស្នេហ៍ជាមួយ CORNETTO

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤