ឌូតឺតេ គំរាមអភិបាលខេត្តក្រុងស្ថិតក្នុងបញ្ជីខ្មៅគ្រឿងញៀនថា «ចង់លាលែង ឬចង់ស្លាប់»?

2017-01-12 03:53:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីហ្វីលីពីនលោក រ៉ូឌ្រីហ្គូ ឌូតឺតេ បានបើកកិច្ចប្រជុំទាំងអារម្មណ៍មួម៉ៅនៅវិមានប្រធានាធិបតី Malacanang នៅក្រុងម៉ានីល ជាមួយអភិបាលខេត្តក្រុងទាំងអស់កាលពីថ្ងៃពុធទី១១មករា ម្សិលមិញ។

រូបថតផ្ដល់សិទ្ធិដោយ Reuters

អភិបាលក្រុងម្នាក់មកពីខេត្ត Luzon បានថ្លែងសុំមិនបញ្ចេញឈ្មោះប្រាប់អ្នកសារព័ត៌មានថា លោកប្រធានាធិបតី បានជេរបញ្ជោរ និងគំរាមដល់អភិបាលខេត្តក្រុងនានាដែលពាក់ព័ន្ធជំនួញគ្រឿងញៀនខុសច្បាប់ និងប្រព្រឹត្តអំពើពុករលួយ ទាំងអារម្មណ៍មួម៉ៅក្ដៅក្រហាយ។

ប្រភពដដែលអះអាងថា លោក ឌូតឺតេ បានកត់ឈ្មោះអតីតមន្ត្រីប៉ូលិស និងជាអភិបាលក្រុង Cebu លោក Vicente Loot ជាមនុស្សស្ថិតនៅក្នុងចំណោមក្រុមជួញដូរគ្រឿងញៀន អមជាមួយចៅក្រម៩រូប សមាជិកសភា និងប៉ូលិសជាច្រើននាក់ផ្សេងទៀត។ មុនកិច្ចប្រជុំនេះប៉ុន្មានថ្ងៃ លោកក៏បានពញ្ញាក់ស្មារតីចៅហ្វាយខេត្តក្រុងដែលស្ថិតក្នុងបញ្ជីខ្មៅរបស់លោក ត្រូវតែលាលែងតំណែង ដកខ្លួនចេញ ឬក៏ចង់ស្លាប់?

នៅរសៀលថ្ងៃពុធម្សិលមិញ លោកប្រធានាធិបតីចិត្តឆៅខាងលើ បានកោះហៅអភិបាលខេត្តក្រុងមកប្រជុំពិភាក្សា ចំពេលកើតមានការគំរាមសម្លាប់លើមន្ត្រីគ្រឿងញៀនសំខាន់ៗ។

គួរបញ្ជាក់ថា គិតមកត្រឹមពេលនេះ ជនសង្ស័យពាក់ព័ន្ធគ្រឿងញៀនជាង ៦០០០នាក់ហើយ ត្រូវលោកបញ្ជាឲ្យបាញ់សម្លាប់ដោយមិនបានកាត់ក្ដី៕