កូនស្រី W.Bush សរសេរសំបុត្ររំជួលចិត្តផ្ញើជូនកូនស្រីអូបាម៉ា ពេលចប់អាណត្តិ
- 2017-01-16 09:23:39
- ចំនួនមតិ 0 | ចំនួនចែករំលែក 0
កូនស្រី W.Bush សរសេរសំបុត្ររំជួលចិត្តផ្ញើជូនកូនស្រីអូបាម៉ា ពេលចប់អាណត្តិ
ចន្លោះមិនឃើញ
វាជារឿងស្រដៀងគ្នាដែលអតីតប្រធានាធិបតីសហរដ្ឋអាមេរិកទី៤៣ លោក George W. Bush ធ្លាប់ផ្ញើជូនលោកអូបាម៉ា ពេលគាត់ឡើងកាន់អំណាចក្នុងឆ្នាំ២០០៩ ហើយពេលនេះកូនស្រី Bush សម្រេចចិត្តធ្វើដូចគ្នាទៅឲ្យនាង Sasha និង Malia។
បន្ទាប់ពីចប់អាណត្តិប្រធានាធិបតីអាមេរិកទី៤៤ បងប្អូននាង Jenna និង Barbara បានសរសេរសំបុត្រដោយដៃផ្ញើជូនកូនស្រីអូបាម៉ា ដោយផ្ដល់ជាដំបូន្មានខ្លះៗអំពីជីវិត ក្រោយឃ្លាតឆ្ងាយពីសេតវិមាន។
ក្នុងសំបុត្រនោះបងប្អូនត្រកូល Bush បានលើកទឹកចិត្តបងប្អូនត្រកូលអូបាម៉ា ឲ្យរីករាយសាទរនូវអនុស្សាវរីយ៍នានាកាលនៅសេតវិមាន និងចាប់យកមេរៀនពួកគេបានរៀន និងព្រឹត្តិការណ៍ផ្សេងៗដែលពួកគេបានឆ្លងកាត់ទាំងក្នុង និងក្រៅសេតវិមាន។
ពួកគេបានជំរុញបងប្អូនស្រីអូបាម៉ាទាំងពីរ ឲ្យមានទំនាក់ទំនងល្អជាមួយមនុស្សនៅសេតវិមានដូចជាអ្នកកាន់ខាងផ្កា ខាងលើកអាហារ អ្នកបម្រើ ភ្នាក់ងារសេវាកម្មសម្ងាត់ ឬអ្នកណាក៏ដោយដែលបានជួយមើលថែយើងរយៈពេល ២អាណត្តិមកនេះ។
ក្នុងនាមជាកូនរបស់មេដឹកនាំ (First Children) គឺពិតណាស់ទទួលសម្ពាធមិនគួរឲ្យជឿជាច្រើនពីមជ្ឈដ្ឋានជុំវិញ ចូរស្ដាប់ពាក្យរិះគន់ធ្ងន់ៗទៅលើឪពុកម្ដាយអ្នក និងមើលពួកគាត់ដោះស្រាយ។
ក្នុងដំណាក់កាលជីវិតកាន់តែរំកិលមកជិតខ្លួននេះ Sasha និង Malia ត្រូវសម្លឹងមើលទិដ្ឋភាពខាងក្រៅសេតវិមាន ខិតខំរៀនសូត្រនៅថ្នាក់ឧត្ដមសិក្សា បន្តមហិច្ឆតា និងចំណាយពេលខ្លះជាមួយមិត្តភ័ក្ដិ។
ក្នុងសំបុត្រនាង Jenna និង Barbara មានរឿងរ៉ាវជាច្រើនបានរៀបរាប់ប្រាប់ Sasha និង Malia។ ខាងក្រោមនេះជា ឃ្លាអប់រំទាំង៣ ដ៏រំជួលចិត្តដែលដកស្រង់ចេញពីសំបុត្រ៖
“តាមស្វែងរកមហិច្ឆតាខ្លួនឯង។ រៀនស្គាល់ខ្លួនឯងជាអ្នកណា។ បង្កើតកំហុស(ជាបទពិសោធន៍)។"
“នៅជុំវិញខ្លួនត្រូវជាមិត្តស្មោះត្រង់ ស្គាល់អ្នក គោរពអ្នក ដូច្នេះពួកគេនឹងការពារអ្នកយ៉ាងពេញទំហឹង។ មនុស្សតែងតែវាយតម្លៃអ្នក មិនស្រលាញ់អ្នក គំនិតពួកគេនឹងមិនមានតម្លៃសម្រាប់អ្នកឡើយ។"
“ទទួលអ្វីអ្នកធ្លាប់បានឃើញ មនុស្សធ្លាប់បានជួប មេរៀនធ្លាប់បានរៀន ឲ្យជួយបើកផ្លូវជីវិតរបស់អ្នកដើម្បីការផ្លាស់ប្ដូរជាវិជ្ជមាន"៕