Ms Office 365 ទើបប្រកាសឲ្យប្រើផ្លូវការ មានមុខងារ Video Call ទៀតផង

2017-01-18 02:33:39
ចំនួនមតិ 0 | ចំនួនចែករំលែក 0

ចន្លោះមិនឃើញ

"Microsoft Office 365" ជាផលិតផលការងារការិយាល័យថ្មីស្រឡាងមួយដែលទើបនឹងប្រកាសដាក់ឲ្យប្រើប្រាស់ផ្លូវការនៅប្រទេសកម្ពុជា បានអភិវឌ្ឍមុខងារដែលអាចធ្វើការបានច្រើនមុខក្នុងពេលតែមួយ ស្ទើរមិននឹកស្មានដល់។

កម្មវិធី Office 365

លោក Tyson Dowd នាយកផ្នែកទីផ្សារនិងប្រតិបត្តិរក្រុមហ៊ុន Microsoft ប្រចាំតំបន់អាសុីប៉ាសុីហ្វិក បានលើកឡើងថា កម្មវិធីការិយាល័យអនឡាញថ្មី Ms Office 365 ជាកម្មវិធីការិយាល័យច្របាច់បញ្ចូលគ្នា ជំនួសឲ្យកម្មវិធីការិយាល័យចាស់ៗមុនដូចជា Ms word, Excel, Power Point, SharePoint ជាដើម ដើម្បីធ្វើការរួមគ្នាតែមួយលើអនឡាញ។

កម្មវិធី Microsoft Office 365 អាចប្រើប្រាស់សេវាកម្មផ្ទុកឯកសារអនឡាញ (Cloud) ជាមួយ OneDrive បានដល់ទំហំ 1TB ដោយមិនគិតលើចំនួនផ្ទុកផ្សេងៗ។ វាថែមទាំងអាចប្រើ People card ជាមុខងារដំណើការអាជីវកម្មស្វ័យប្រវត្តិជាមួយកម្មវិធី Microsoft Flow និង Power Apps និងកម្មវិធី SharePoint និង OneDrive ដែលអាចប្រើបានគ្រប់ទីកន្លែង រួមទាំងមានមុខងារជា Video Call សម្រាប់ទំនាក់ទំនងគ្នាក្នុងពេលពិភាក្សាការងារជាដើម។