ម្ដាយកាត់ទោសប្រហារជីវិត ក្រោយដុតកូនស្រីទាំងរស់ព្រោះរឿងរៀបការ

2017-01-17 10:28:31
ចំនួនមតិ 0 | ចំនួនចែករំលែក 0

ចន្លោះមិនឃើញ

តុលាការប្រទេសប៉ាគីស្ថានបានកាត់ទោសប្រហារជីវិតស្ត្រីជាម្ដាយមួយរូប បន្ទាប់ពីដុតកូនស្រីវ័យ១៨ឆ្នាំទាំងរស់ ទុកជាការដាក់ទណ្ឌកម្ម ព្រោះនាងបានរៀបការដោយមិនមានការយល់ព្រមពីគ្រួសារ។

អ្នកស្រី Parveen Bili

អ្នកស្រី Parveen Bili បានសារភាពនៅមុខតុលាការពិសេសប្រចាំទីក្រុង Lahore ពីការសម្លាប់កូនស្រីខ្លួនកាលពីខែមិថុនាឆ្មាំមុន ព្រោះគាត់គិតថាកូនស្រីបាននាំភាពអាម៉ាស់ឲ្យគ្រួសារ។

បើតាមប្រភពប៉ូលិស នាង Zeenat Rafig អាយុ ១៨ឆ្នាំបានរៀបការជាមួយលោក Hassan Khan រួចបានសម្ងំរស់នៅជាមួយគ្រួសារខាងប្ដីបានមួយសប្ដាហ៍មុនពេលត្រូវម្ដាយបង្កើតសម្លាប់។

លើសពីនេះ តុលាការបានកាត់ទោសបងប្រុសជនរងគ្រោះម្នាក់ទៀតឲ្យជាប់គុកអស់មួយជីវិត ក្រោយរកឃើញថា លោក និងម្ដាយលោកបានវាយដំកូនស្រីយ៉ាងព្រៃផ្សៃ មុនចាក់ប្រេងកាតដុតនាងទាំងរស់។

ក្នុងអំពើឃាតកម្មក្នុងសង្កាត់ក្រីក្រមួយនេះ សាច់ញាតិ អ្នកភូមិបានឃើញសាកសពឡើយ តែប៉ូលិសរកឃើញស្នាមឆេះរោលពណ៌ខ្មៅនៅទីធ្លាមួយកន្លែង។

គួរបញ្ជាក់ថា អំពើហិង្សាប្រឆាំងស្ត្រីភេទបានកើតឡើងច្រើននៅប៉ាគីស្ថាន។ បើតាមប្រភពគណៈកម្មការការពារសិទ្ធិមនុស្សប៉ាគីស្ថាន បានរកឃើញថាក្នុងឆ្នាំ ២០១៥ មានការសម្លាប់ស្ត្រីក្នុងគ្រួសារដែលរងចោទថាបាននាំភាពអាម៉ាស់ឲ្យគ្រួសារមានចំនួនជាង ១១០០នាក់ឯណោះ។

ចំណែកសភាប៉ាគីស្ថាន ទើបបានអនុម័តច្បាប់ប្រឆាំងការសម្លាប់បែបនេះកាលពីខែតុលា ពោលគឺ៣ខែ បន្ទាប់ពីឃាតកម្មកូនស្រីខាងលើ៕