ដើមពោធិ៍យក្សមួយដើមនៅវត្តភ្នំជីសូរ មានអាយុកាលជាង ២០០ឆ្នាំ?

2017-01-19 11:50:48
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពេលប្រិយមិត្តបានទៅទស្សនាប្រាសាទភ្នំជីសូរពិតជាបានពើបប្រទះ និងទេសភាពដ៏ស្រស់ត្រកាលបែបធម្មជាតិនៅលើកំពូលភ្នំ រួមទាំងប្រាសាទបូរាណសតវត្សទី ១១ផង។ បើយើងងាកមកខាងជើងប្រាសាទបន្តិចពិតជាបានឃើញដើមពោធិ៍ដ៏ធំមួយដើមមានម្លប់ត្រឈឹងត្រឈៃទាក់ទាញអ្នកមកកម្សាន្តអោយចូលឈប់សម្រាកលេង។

តាមការអោយដឹងពីលោកតាសូសានអាយុ៧៣ឆ្នាំ ជាឆ្មាំប្រាសាទនៅទីនោះបានប្រាប់ Sabay ថា “ដើមពោធិ៍នេះមានអាយុកាលជាងពីរយឆ្នាំមកហើយ គឺចាប់តាំងពីខ្ញុំកើតមកឃើញតែដើមពោធិ៍ធំតែប៉ុណ្ណឹង។ ដើមពោធិ៍នេះ គល់វាធំទូលាយ និងមានកម្ពស់ជាង ៣០ម៉ែត្រ ហើយពីចុងមែកម្ខាងទៅម្ខាងមានប្រវែងពី៣០ទៅ៤០ម៉ែត្រ មានមែកសាខាច្រើនដែលផ្ដល់ម្លប់យ៉ាងត្រជាក់ដល់អ្នកទេសចរណ៍មកកម្សាន្ត។”

ចំណែកអ្នកស្រី ណិល សារុំអ្នកលក់ដូរនៅក្បែរម្លប់ពោធិ៍នេះប្រាប់ថា “កាលលោកយាយខ្ញុំនៅមានជីវិតគាត់ធ្លាប់និយាយប្រាប់ចៅៗថា ដើមពោធិនេះធំស្រាប់ទៅហើយតាំងពីជំនាន់ម្ដាយឪពុកគាត់ម្លេះ។ ពេលនេះលោកយាយមានអាយុ១០១ឆ្នាំបានចែកឋានទៅថ្មីៗនេះ”។