ខំបង្កើតកម្មវិធីឥតគិតថ្លៃជាច្រើន ព្រោះចង់បម្រើជាប្រយោជន៍ដល់សង្គម

2017-01-20 04:04:07
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវវ័យខ្មែរមួយក្រុមមានឈ្មោះថា MLab Cambodia បានព្យាយាមបង្កើតកម្មវិធីទូរសព្ទដៃមួយកម្មវិធីជាច្រើននៅលើ Play Store និង App Store ដើម្បីជួយសម្រួលដល់ការរស់នៅប្រចាំថ្ងៃ និងដាក់ឲ្យដោនឡូតឥតគិតថ្លៃ តែបែរមិនសូវសំបូរយុវវ័យគាំទ្រស្នាដៃទាំងនោះ។

សមាជិកក្រុម MLab Cambodia

លោក កង សុវណ្ណារ៉ូត នាយកគ្រប់គ្រងក្រុមហ៊ុន MLab Cambodia បានឲ្យ Sabay ដឹងថា ក្រុម MLab មានសមាជិកប្រមាណជា ១០ នាក់ដែលរួមគ្នាបង្កើតកម្មវិធីសម្រាប់ដាក់ឲ្យប្រើដោយមិនគិតថ្លៃ ក្នុងគោលបំណងជួយឲ្យយុវវ័យ និងសង្គមខ្មែរងាកមកចាប់អារម្មណ៍ពីរបៀបប្រើប្រាស់កម្មវិធី (App) លើទូរសព្ទដៃ។

លោក កង សុវណ្ណារ៉ូត នាយកគ្រប់គ្រង MLab Cambodia

និស្សិត IT មកពីសាកលវិទ្យាល័យហ្សាម៉ាន់រូបនេះបានបន្តថា កម្មវិធីដែលក្រុមលោកព្យាយាមបង្កើតបានមានដូចជា កម្មវិធីពន្ធក្នុងប្រទេសកម្ពុជា កម្មវិធីវចនានុក្រមហិរញ្ញវត្ថុ កម្មវិធីវចនានុក្រមច្បាប់ កម្មវិធីវចនានុក្រមវេជ្ជសាស្ត្រកម្មវិធីគណនាប្រាក់កម្ចី កម្មវិធីក្ដារចុចខ្មែរ m_boardនិងកម្មវិធី Save លុយ ជាដើម៕

ទស្សនាវីដេអូខាងក្រោម ដើម្បីដឹងច្បាស់ពីភាពតស៊ូពេលបង្កើតកម្មវិធីទាំងនោះពីក្រុម MLab Cambodia ៖