ម្ចាស់ខ្សែក្រវាត់ Hapkido ៣ដាននៅកូរ៉េមកកម្ពុជាចែករំលែកបទពិសោធន៍ថ្មីៗ
- 2017-01-20 23:02:00
- ចំនួនមតិ 0 | ចំនួនចែករំលែក 0
ម្ចាស់ខ្សែក្រវាត់ Hapkido ៣ដាននៅកូរ៉េមកកម្ពុជាចែករំលែកបទពិសោធន៍ថ្មីៗ
ចន្លោះមិនឃើញ
សយ រតនា ម្ចាស់ខ្សែក្រវាត់ ៣ដាន មកពីក្លឹប International Chendo Moeong នៃប្រទេសកូរ៉េ ឆ្លៀតមកជួបពិភាក្សានិងចែករំលែកបទពិសោធន៍ល្អៗដែលខ្លួនមានដល់អ្នកកីឡា Hapkido កម្ពុជាកាលពីម្សិលមិញនេះនៅសាលា ប្រ៊ីសតុន។
កីឡាករ និងជាពលករនៅប្រទេសកូរ៉េ សយ រតនា បានឲ្យដឹងកាលពីល្ងាចថ្ងៃទី ១៩ ខែកុម្ភៈ ឆ្នាំ ២០១៧ នេះថា គេពិតជាមានចិត្តសប្បាយរីករាយដែលបានមកជួបកីឡាករ កីឡាការិនី Hapkido កម្ពុជា។ ឆ្លៀតឱកាសនេះដែរម្ចាស់ខ្សែក្រវាត់មកពីកូរ៉េ រូបនេះក៏បានចែករំលែកចំណេះដឹងដែលខ្លួនចេះ និងធ្លាប់បង្រៀននៅក្រៅប្រទេសដល់កីឡាករកម្ពុជា។
ម្ចាស់ខ្សែក្រវាត់រូបនេះបន្ថែមទៀតថា លោកនឹងខិតខំជួយជំរុញកីឡាមួយនេះ ឲ្យកាន់តែរីកចម្រើនបន្ថែមទៀត និងព្យាយាមបង្កើនទំនាក់ទំនងជាមួយថ្នាក់ដឹងនាំក្លឹប Hapkido នៅប្រទេសកូរ៉េដែលគេកំពុងបង្ហាត់នៅទីនោះ។ ជើងខ្លាំងរបស់កម្ពុជាម្នាក់នេះបង្ហាញក្ដីរំពឹងថា នៅថ្ងៃខាងមុខកីឡា Hapkido កម្ពុជានឹងរីកសុះសាយនៅលើឆាកអន្តរជាតិបន្ថែមទៀត តាមរយៈប្អូនៗកីឡាករ កីឡាការិនីដែលមានទេពកោសល្យ និងព្យាយាមបែបនេះ។
សយ រតនា ជាប្រធានក្រុមនៅក្លឹប International Cheondo Meong នៅប្រទេសកូរ៉េ ហើយគេមានតួនាទីជាអ្នកជួយបង្ហាត់សិស្សនៅទីនោះផងដែរ។ កីឡាករដែលកើតនៅខេត្តបន្ទាយមានជ័យ រូបនេះបានរៀនក្បាច់គុន Hapkido នេះអស់រយៈពេល ៤ឆ្នាំជាងនៅប្រទេសកូរ៉េព្រមទាំងទទួលបានខ្សែក្រវាត់៣ដាន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
