ទីលានបាល់ទាត់ RUPP ប្រើប្រាស់ផ្លូវការចុងសប្ដាហ៍នេះហើយ
- 2017-01-20 08:01:10
- ចំនួនមតិ 0 | ចំនួនចែករំលែក 0
ទីលានបាល់ទាត់ RUPP ប្រើប្រាស់ផ្លូវការចុងសប្ដាហ៍នេះហើយ
ចន្លោះមិនឃើញ
ទីលានបាល់ទាត់សាកលវិទ្យាល័យភូមិន្ទភ្នំពេញ (RUPP) នឹងប្រើប្រាស់ផ្លូវការសម្រាប់កម្មវិធីប្រកួតជ្រើសរើសជើងឯកប្រចាំសាលាចាប់ពីថ្ងៃទី២២ ខែមករា ឆ្នាំ២០១៧ នេះហើយ បន្ទាប់ពីធ្វើការបែងចែកពូលរួចរាល់កាលពីពេលថ្មីៗនេះ។
បើតាមលោក ឈុន ហុង នាយករងសាកលវិទ្យាល័យបានឲ្យដឹងថា តាំងពីសម្ពោធទីលានរហូតមកដល់បច្ចុប្បន្ន ទីលានមួយនេះមិនទាន់មានការប្រើប្រាស់ទ្រង់ទ្រាយធំនៅឡើយទេ។ ចំណែកកម្មវិធីប្រកួតជ្រើសរើសជើងឯកប្រចាំសាលានេះក៏មិនមានភាពធំដុំនោះដែរ។
នាយករងរូបនេះបញ្ជាក់ថា ទីលានប្រើប្រាស់តែថ្ងៃសៅរ៍ និងអាទិត្យប៉ុណ្ណោះ ក្រៅពីនេះមិនអាចមានការប្រកួតបានទេ ពីព្រោះអាចផ្ដល់សំឡេងរំខានដល់សិស្សសិក្សា។ រហូតមកដល់ពេលនេះក៏មិនទាន់មានក្រុមហ៊ុនឬ ក្រុមបាល់ទាត់ណាមកជួលលេងនោះដែរ។
ទីលានបាល់ទាត់ភូមិន្ទភ្នំពេញបានធ្វើការសម្ពោធកាលពីថ្ងៃទី២៣ ខែធ្នូ ឆ្នាំ២០១៦ ក្រោមអធិបតីភាពឯកឧត្តម ហង់ ជូនណារ៉ុន រដ្ឋមន្ត្រីក្រសួងអប់រំ យុវជន និងកីឡា៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
