«ភោជនីយដ្ឋានគូលែន» បើកបម្រើអាហារប៊ូហ្វេជិត២០ឆ្នាំ និងមានប្រជាប្រិយបំផុតនៅខេត្តសៀមរាប
- 2017-01-22 04:57:06
- ចំនួនមតិ 0 | ចំនួនចែករំលែក 0
«ភោជនីយដ្ឋានគូលែន» បើកបម្រើអាហារប៊ូហ្វេជិត២០ឆ្នាំ និងមានប្រជាប្រិយបំផុតនៅខេត្តសៀមរាប
ចន្លោះមិនឃើញ
អតិថិជនមិនថាក្មេងចាស់ ប្រុស-ស្រី ជាតិ ឬអន្តរជាតិនោះទេ តែងតែចេញចូលជាប្រចាំដើម្បីទទួលទានអាហារប៊ូហ្វេបែបខ្មែរ នៅភោជនីយដ្ឋានគូលែន ស្ថិតនៅក្នុងខេត្តសៀមរាប។
ភោជនីយដ្ឋាននេះ បានដំណើរការតាំងពីឆ្នាំ ១៩៩៨ ដែលបម្រើអាហារចម្បង គឺម្ហូបខ្មែរ បន្ទាប់មកម្ហូបចិន ម្ហូបជប៉ុន និងម្ហូបអឺរ៉ុបជាដើម នៅរៀងរាល់អាហារថ្ងៃត្រង់ និងអាហារប៊ូហ្វេពេលល្ងាច។
មិនត្រឹមតែអាចទទួលទានអាហារប៊ូហ្វេខ្មែរជាច្រើនមុខប៉ុណ្ណោះទេ អតិថិជនថែមទាំងទទួលបានចំណីអារម្មណ៍ទស្សនានូវការសម្តែងសិល្បៈបុរាណដែលមានដូចជា របាំអប្សរា របាំក្ងោកប៉ៃលិន របាំសុវណ្ណមច្ឆា របាំទេពមនោរម្យ របាំបេះក្រវាញ និងរបាំគោះត្រឡោកជាដើម ដែលសម្ដែងដោយអ្នកសិល្បៈ ពីសាកលវិទ្យាល័យភូមិន្ទវិចិត្រសិល្បៈ។
លោក ចិន្តា ជាអ្នកគ្រប់គ្រងនៅក្នុងភោជនីយដ្ឋានគូលែនបាន ប្រាប់ថា «ម្ហូបនៅក្នុងភោជនីយដ្ឋានរបស់យើងមានប្រមាណជា ៧៥មុខ និងអាចទទួលភ្ញៀវបានសរុបជាង ៧០០នាក់»។
លោកបានបន្ថែមថា អតិថិជនដែលអញ្ជើញមកទទួលទានច្រើនតែជាបរទេស ដោយសារតែពួកគេមានបំណងចង់សាកភ្លក់ម្ហូបខ្មែរ និងពិសេសទៅទៀតអាចទស្សនាសិល្បៈ និងរបាំបុរាណខ្មែរ។
ភោជនីយដ្ឋានគូលែន បើកបម្រើសេវាកម្មម្ហូបអាហារជារៀងរាល់ថ្ងៃចាប់ពីម៉ោង ១១ព្រឹក រហូតដល់ម៉ោង ១០យប់។ អាហារប៊ូហ្វេចាប់ផ្តើមទទួលពីម៉ោង៦ល្ងាច រីឯការសម្ដែងសិល្បៈចាប់ផ្ដើមនៅម៉ោង៧យប់។
អាហារប៊ូហ្វេមានតម្លៃ១២ដុល្លារសម្រាប់ភ្ញៀវបរទេស ៦ដុល្លារសម្រាប់ភ្ញៀវជាតិ និងក្មេងអាយុក្រោម៣ឆ្នាំអាចទទួលដោយឥតគិតថ្លៃ។
ដើម្បីកក់កន្លែង លោកអ្នកអាចទំនាក់ទំនងតាមរយៈលេខទូរសព្ទ័៖ 092 63 00 90 / 078 63 0090 / 063 94 44 24 ឬអ៊ីម៊ែល reservation@koulenrestaurant.com ឬចូលទៅកាន់គេហទំព័រ www.koulenrestaurant.com ។ អាសយដ្ឋាន ផ្ទះលេខ៥០ មហាវិថី ស៊ីសុវត្ថា ខេត្តសៀមរាប៕