Barca លត់ម្ចាស់ផ្ទះ Eibar ៤-០ បន្តការគំរាមកំហែងដល់ Real Madrid
- 2017-01-23 00:35:29
- ចំនួនមតិ 0 | ចំនួនចែករំលែក 0
Barca លត់ម្ចាស់ផ្ទះ Eibar ៤-០ បន្តការគំរាមកំហែងដល់ Real Madrid
ចន្លោះមិនឃើញ
ក្នុងការប្រកួត La Liga សប្ដាហ៍ទី១៩ ក្រុម FC Barcelona បានយកឈ្នះ ក្រុមពាក់កណ្ដាលតារាង Eibar ដោយលទ្ធផលយ៉ាងចាស់ដៃ ៤-០។
ក្រោមក្រសែភ្នែកទស្សនិកជន ប្រមាណ៦៣៤០នាក់ការប្រកួតនេះ Barcelona មានឱកាសគ្រប់គ្រងបាល់រហូត៦២ភាគរយ ហើយបានបើកការនាំមុខ១គ្រាប់មុន ដោយ Denis Suarez នៅនាទី៣១ជាការស៊ុតបន្ថែមក្រោយ Messi ស៊ុតបុកខ្សែការពារ២រូបរបស់ Eibar។
ចូលដល់វគ្គទី២ ក្រុមលោក Enrique នៅតែបន្តគាបសង្កត់លើម្ចាស់ផ្ទះ ហើយ Messi ជាអ្នកបន្ថែមគ្រាប់ទី២ នៅនាទី៥០ ក្រោមការលើកបាល់ឲ្យយ៉ាងល្អរបស់ Suarez។ ចូលដល់នាទី៦៨ Luis Suarez ឆាបបាល់បានពីខ្សែការពារ Eibar ហើយអូសទៅស៊ុតសំដៅមុំតូច បញ្ចូលទីសម្រេចគ្រាប់ទី៣ ហើយគ្រាប់ទី៤ គឺជាថ្វីជើង របស់ Neymar នៅចុងម៉ោងនាទី ៩០+១៕