មកមើលទិដ្ឋភាព បាក់ស្រុតអគារ១៩ខ្នង ក្នុងពេលមួយប៉ប្រិចភ្នែក
- 2017-01-23 02:16:44
- ចំនួនមតិ 0 | ចំនួនចែករំលែក 0
មកមើលទិដ្ឋភាព បាក់ស្រុតអគារ១៩ខ្នង ក្នុងពេលមួយប៉ប្រិចភ្នែក
ចន្លោះមិនឃើញ
អគារចំនួន១៩ខ្នង ស្ថិតនៅក្នុងទីក្រុង Wuhan ខេត្ត Hubei ប្រទេសចិន ត្រូវបានបាក់ស្រុត ក្នុងពេលមួយប៉ប្រិចភ្នែក បន្ទាប់ពីគេប្រើប្រាស់គ្រឿងផ្ទុះ ចំនួន៥តោន ដើម្បីកម្ទេចវាចោល កាលពីថ្ងៃសៅរ៍ កន្លងទៅនេះ។
អគារដែលលាតសន្ធឹងលើផ្ទៃដី ប្រមាណ ១៥០ ០០០ម៉ែត្រការ៉េទាំងនោះ ត្រូវបានគេកម្ទេចចោលទាំងស្រុង ដើម្បីសាងសង់ផ្លូវ សម្រាប់តំបន់ពាណិជ្ជកម្មអន្តរជាតិ «Binjiang International Business Zone»។
បើទោះបីជាមានការកម្ទេចអគារ លក្ខណៈទ្រង់ទ្រាយធំបែបនេះក្ដី ប៉ុន្តែក្រុមហ៊ុន Wuhan Airport Development Group ដែលទទួលខុសត្រូវលើការងារនេះ បានប្រាប់ឲ្យដឹងថា ការប៉ះពាល់ដល់អ្នកស្រុក ផ្លូវក្រោមដី និង បំពង់បង្ហូរទឹកនៅក្រោមដី ដែលស្ថិតនៅក្បែរនោះ ត្រូវបានរក្សាឲ្យនៅក្នុងកម្រិតអប្បបរមាមួយ៕
សូមទស្សនាវីដេអូខាងក្រោម៖