CR7 ជួយក្មេងស៊ីរី ដែលឪពុកម្ដាយស្លាប់ចោល បានរស់នៅជាមួយពូមីងនៅអង់គ្លេស
- 2017-01-23 03:07:05
- ចំនួនមតិ 0 | ចំនួនចែករំលែក 0
CR7 ជួយក្មេងស៊ីរី ដែលឪពុកម្ដាយស្លាប់ចោល បានរស់នៅជាមួយពូមីងនៅអង់គ្លេស
ចន្លោះមិនឃើញ
Cristiano Ronaldo តារាឆ្នើមក្រុម Real Madrid កំពុងជួយក្មេងកំព្រាស៊ីរី អាយុ៤ឆ្នាំ ដែលឪពុកម្ដាយស្លាប់ចោលអស់ អាចឆ្លងដែនទៅរស់នៅប្រទេសអង់គ្លេស ជាមួយពូមីងរបស់គេបាន។
កុមារា Haidar Mustafa វ័យ៤ឆ្នាំ ត្រូវឪពុកម្ដាយស្លាប់ចោល ក្នុងហេតុការណ៍ផ្ទុះគ្រាប់បែកនៅទីក្រុង Beirut កាលខែធ្នូ ឆ្នាំ២០១៥ ខណៈដែលទង្វើនោះគេជឿថា គឺបង្កឡើងដោយពួក ISIS។ ពូរបស់គេ Mohammad និងភរិយា ដែលរស់នៅប្រទេសអង់គ្លេស ចង់នាំក្មួយទៅទីនោះ ប៉ុន្តែជាង១ឆ្នាំមកហើយ នៅតែមិនអាចនាំយកមកបាន។ ប៉ុន្តែ The Sun បានឲ្យដឹងថា ពេលនេះការនាំយកក្មេងប្រុសម្នាក់នេះទៅអង់គ្លេស គឺជិតបានជោគជ័យ១០០%ហើយ បន្ទាប់ពី Ronaldo ជាអ្នកជួយជ្រោមជ្រែងពីក្រោយ។
កុមារា Mustafa ជាអ្នកគាំទ្រក្រុម Real Madrid និងជា Fan របស់ CR7។ Ronaldo ធ្លាប់ជួប Mustafa រួចហើយ នៅកីឡដ្ឋាន Santiago Bernabeu កាលឆ្នាំ២០១៥។ ម្ចាស់ពានកីឡាករល្អបំផុតលើលោករបស់ FIFA ធ្លាប់និយាយថា៖ "ខ្ញុំសប្បាយចិត្តណាស់ ដែលលឺថា Mustafa សុវត្ថិភាព។ ខ្ញុំសូមជូនពរឲ្យគេ ទទួលបានសេចក្ដីសុខរហូត នាពេលអនាគត ទោះនៅទីណាក៏ដោយ។ សូមធ្វើអ្វីតាមសុបិនរបស់អ្នក និងខិតខំធ្វើវា ឲ្យក្លាយជាការពិត”៕