កីឡាករ Hull ម្នាក់ បែកលលាដ៍ក្បាល ចូលពេទ្យវះកាត់ភ្លាមៗ ក្រោយតែតបុក Cahill
- 2017-01-23 04:26:11
- ចំនួនមតិ 0 | ចំនួនចែករំលែក 0
កីឡាករ Hull ម្នាក់ បែកលលាដ៍ក្បាល ចូលពេទ្យវះកាត់ភ្លាមៗ ក្រោយតែតបុក Cahill
ចន្លោះមិនឃើញ
ខ្សែបម្រើ Ryan Mason របស់ក្រុម Hull City បានបែកលលាដ៍ក្បាល និងត្រូវបញ្ជូនទៅមន្ទីរពេទ្យវះកាត់ភ្លាមៗ បន្ទាប់ពីតែតប៉ះទង្គិចក្បាលគ្នាជាមួយខ្សែការពារ Gary Cahill ក្នុងការប្រកួត Premier League កាលពីយប់មិញ។
អតីតកីឡាករក្រុម Tottenham Hotspur វ័យ២៥ឆ្នាំរូបនេះ បានជួបហេតុការណ៍អាក្រក់នៅដើមតង់ទី១ នាទី១៣ (សែងចេញនាទី២១) និងត្រូវក្រុមគ្រូពេទ្យសែងចេញដាក់អុកស៊ីហ្សែន ដឹកបញ្ជូនទៅមន្ទីរពេទ្យភ្លាមៗ។
ក្លឹប Hull City បានចេញសេចក្ដីថ្លែងការណ៍យប់មិញថា Mason បានបែកលលាដ៍ក្បាល និងកំពុងវះកាត់នៅមន្ទីរពេទ្យ St Mary’s Hospital ប៉ុន្តែរូបគេស្ថិតក្នុងលក្ខខ័ណ្ឌមួយល្អប្រសើរឡើងហើយ ហើយត្រូវសម្រាកនៅមន្ទីរពេទ្យពីរបីថ្ងៃទៀត។
ងាកទៅលទ្ធផលការប្រកួតវិញ បន្ទាប់ពី Mason ដូរចេញនាទី២១ ក្រុម Chelsea បានយកឈ្នះ Hull ២-០ ដែលរកបានដោយ Diego Costa នាទី៤៥ និង Cahill នាទី៨១៕