Huawei P10​ ​ដែល​នឹង​បង្ហាញ​ខ្លួន​នា​ថ្ងៃ​ ​២៦​ ​កុម្ភៈ​ ​២០១៧​ ​ត្រូវ​គេ​សន្និដ្ឋាន​ថា​ជា​ម៉ូដែល​តម្លៃ​ខ្ពស់​បំផុត​របស់​ត្រកូល​ ​P​ ​នៃ​ស្មាតហ្វូន​កាមេរ៉ា​ភ្លោះ​នេះ។

P10​ ​ត្រូវ​គេ​សន្និដ្ឋាន​ថា​អាច​មាន​តម្លៃ​ចាប់​ផ្ដើម​ពី​ ​៨០០​ ​ដុល្លារ​ ​និង​ម៉ូដែល​ ​P10 Plus​ ​តម្លៃ​ចាប់​ពី​ ​៩០០​ ​ដុល្លារ។ ក្នុង​នោះ​បើ​ក្រឡេក​ទៅ​មើល​តម្លៃ​ ​P9​ ​ដែល​បង្ហាញ​ខ្លួន​កាល​ពី​ខែ​មេសា​ ​២០១៦​ ​ដែល​មាន​តម្លៃ​ជាង​ ​៦០០​ ​ដុល្លារ​ ​និង​ម៉ូដែល​ ​P9 Plus​ ​តម្លៃ​ក្បែរ​ ​៧០០​ ​ដុល្លារ។

Huawei​ ​មិន​បង្ហើប​ពី​លក្ខណៈសម្បត្តិ​ច្រើន​នៃ​ម៉ូដែល​ថ្មី​ទាំង​ពីរ​នេះ​ទេ​ ​តែ​ដឹង​ត្រឹម​ថា​ ​P10​ ​និងP10 Plus​ ​នៅ​តែ​មាន​កាមេរ៉ា​ភ្លោះ​របស់​ ​Leica​ ​និង​ដំណើរការ​ដោយ​ ​CPU​ ​ប្រភេទ​ ​HiSilicon Kirin 960​ ​មាន​ ​GPU​ ​ប្រភេទ​ ​Mali-G71 MP8​ ​ហើយ​ ​RAM​ ​ដល់​ទៅ​ ​៦GB។

ផ្នែក​ខាង​ក្រៅ​ ​Huawei​ មិន​បាន​បញ្ជាក់​នោះ​ទេ​ ​តែ​អ្នក​វិភាគ​អះអាង​ថា​ ​P10​ ​មាន​អេក្រង់​ ​៥,៥​ ​អ៊ីញ​ ​និង​ ​P10​ ​Plus​ ​មាន​អេក្រង់​ទំហំ​ដូច​គ្នា​ ​តែ​ជា​ប្រភេទ​ ​Quad HD​ ​កោង​ដែល​អាច​បង្ហាញ​រូប​ក្នុង​ទំហំ​ ​២៥៦០ x ១៤៤០pixels៕

អាន​បន្ត​ ​៖

• Huawei​ ​P10​ ​មិនទាន់​ច្បាស់ពីលក្ខណៈ​សម្បត្តិ​ តែ​ច្បាស់​ពី​ថ្ងៃ​ប្រកាស​ចេញ​ជា​ផ្លូវការ
• Huawei P10​ ​សង្ស័យ​​រាង​ស្រដៀង​ ​iPhone 7

ប្រភព៖ GSMarena   ប្រែ​សម្រួល៖ រដ្ឋ