ក្ដៅៗ Coutinho បន្តកុងត្រាថ្មី៥ឆ្នាំជាមួយ Liverpool អម្បាញ់មិញនេះ!

2017-01-25 09:17:56
ចំនួនមតិ 0 | ចំនួនចែករំលែក 0

ចន្លោះមិនឃើញ

Philippe Coutinho បានចុះហត្ថលេខាលើកុងត្រាថ្មីជាមួយ Liverpool ៥ឆ្នាំទៀត មានតម្លៃ ១៥០,០០០ ផោនក្នុង១សប្ដាហ៍។ នេះបើតាមការប្រកាសលើទំព័រ Facebook ផ្លូវការរបស់ក្លឹបនៅមុននេះបន្តិច។

Coutinho និងលោក Jurgen Klopp

កុងត្រាថ្មីរបស់ខ្សែបម្រើឆ្នើមសញ្ជាតិប្រេស៊ីលធ្វើឲ្យរូបគេក្លាយជាកីឡាករដែលទទួលថ្លៃឈ្នួលច្រើនជាងគេនៅក្លឹបនាពេលបច្ចុប្បន្ន។ Coutinho បានមកកាន់ Liverpool ពី Inter Milan កាលពីខែមករា ឆ្នាំ២០១៣ ក្នុងតម្លៃ ៨,៥លានផោន។ បង្ហាញខ្លួនបាន១៦៣ប្រកួត រូបគេស៊ុតបញ្ចូលទីបាន ៣៤គ្រាប់។

កីឡាករដែលនឹងស្នាក់នៅ Anfield ដល់ឆ្នាំ២០២២ រូបនេះបាននិយាយក្រោយចុះហត្ថលេខាថា៖ "ខ្ញុំចុះ ហត្ថលេខាព្រោះចង់នៅទីនេះច្រើនឆ្នាំទៀត ហើយវាគឺជាកិត្តិយសបំផុតសម្រាប់ខ្ញុំ។ Liverpool បានផ្ដល់ឲ្យខ្ញុំនូវភាពកក់ក្ដៅ ដោយសារទាំងក្លឹប និងអ្នកគាំទ្របានស្វាគមន៍ខ្ញុំតាំងពីថ្ងៃដំបូងមកម្ល៉េះ”៕

ប្រភព៖ BBC ប្រែសម្រួល៖ វីរ័ត្ន