ថាមពលអគ្គិសនីដើរដោយពន្លឺព្រះអាទិត្យនៅកម្ពុជា សូម្បីនិស្សិតបរទេសក៏ចាប់អារម្មណ៍
- 2017-01-29 09:52:42
- ចំនួនមតិ 0 | ចំនួនចែករំលែក 0
ថាមពលអគ្គិសនីដើរដោយពន្លឺព្រះអាទិត្យនៅកម្ពុជា សូម្បីនិស្សិតបរទេសក៏ចាប់អារម្មណ៍
ចន្លោះមិនឃើញ
ថាមពលអគ្គិសនីដើរដោយពន្លឺព្រះអាទិត្យនៅកម្ពុជា ត្រូវបាននិស្សិតអនុបណ្ឌិតគ្រប់គ្រងពាណិជ្ជកម្មមកពីវិទ្យាស្ថានបច្ចេកវិទ្យា Massachusetts សហរដ្ឋអាមេរិកបួនរូប ចាប់អារម្មណ៍ចុះកម្មសិក្សារយៈពេលខ្លីចំនួន ៣សប្តាហ៍។
កញ្ញា Angela Rios ដែលជានិស្សិតអនុបណ្ឌិតគ្រប់គ្រងពាណិជ្ជកម្មម្នាក់ក្នុងចំណោមនិស្សិតស្រីទាំងបួនរូប បានឲ្យ Sabay ដឹងថា កញ្ញាជ្រើសរើសយកប្រធានបទ "អាជីវកម្មថាមពលកើតឡើងវិញនៅកម្ពុជា" សម្រាប់ការស្រាវជ្រាវបញ្ចប់ថ្នាក់បរិញ្ញាបត្រជាន់ខ្ពស់ ព្រោះមើលឃើញថា អាជីវកម្មថាមពលអគ្គិសនីកើតឡើងវិញនៅប្រទេសកម្ពុជា មានការកើនឡើង ហើយតម្រូវការអគ្គិសនីមានតម្លៃទាប ជាពិសេសអាកាសធាតុអំណោយផលសម្រាប់ទាញយកថាមពល។
និស្សិតវ័យ ២៨ ឆ្នាំរូបនេះបានបន្ថែមថា បច្ចុប្បន្នកញ្ញាកំពុងចុះស្រាវជ្រាវគម្រោងនេះជាមួយក្រុមហ៊ុនដំឡើងប្រព័ន្ធថាមពលអគ្គិសនីដើរដោយពន្លឺព្រះអាទិត្យ ខេមសូឡាកម្ពុជា ក្នុងគោលបំណងចង់ជួយ Start up ថ្មីៗ ដែលកំពុងដំណើរការធ្វើអាជីវកម្មថាមពលអគ្គិសនីកើតឡើងវិញនេះ ដើម្បីមានឱកាសទទួលបានភាពជោគជ័យ និងការស្រាវជ្រាវបញ្ចប់ថ្នាក់បរិញ្ញាបត្រជាន់ខ្ពស់របស់ខ្លួន។
ជាងនេះទៀត កញ្ញាក៏នឹងមានគម្រោងចុះបង្រៀនក្មេងៗតាមសាលារៀននានាក្នុងប្រទេសកម្ពុជា ឲ្យយល់ដឹងពីអត្ថប្រយោជន៍ក៏ដូចជា ការធ្វើអាជីវកម្មថាមពលអគ្គិសនីកើតឡើងវិញនេះផងដែរ៕