ផ្លែស្វាយកម្ពុជា ៤២០០គីឡូក្រាម ត្រូវដឹកតាមយន្តហោះទៅប្រទេសបារាំង

2017-01-29 08:04:36
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមការបង្ហោះលើទំព័រ Facebook របស់ឯកឧត្ដមបណ្ឌិត ម៉ុង ឫទ្ធី បានឲ្យដឹងថា ផ្លែស្វាយកែវរមៀតចំនួន ៤២០០គីឡូក្រាម ត្រូវដឹកតាមជើងហោះហើរ Qatar Airways ឆ្ពោះទៅប្រទេសបារាំងហើយ ហើយប្រទេសជាច្រើនទៀតកំពុងរង់ចាំទិញផ្លែស្វាយនេះ។

ឯកឧត្ដមបណ្ឌិត ម៉ុង ឫទ្ធី បានបង្ហោះឡើងប៉ុន្មាននាទីមុននេះថា៖ "ថ្ងៃនេះ ខ្ញុំសុំផ្តាំប្រាប់ទៅប្រជាជនដែលរស់នៅខេត្ត ឧត្តរមានជ័យ និង ខេត្តព្រះវិហារ ថាផ្លែស្វាយកែវរមៀតរបស់បងប្អូន ចំនួន ៤.២០០គីឡូក្រាម កំពុងតែហោះហើរ តាមជើងយន្តហោះ QATAR AIRWAYS 4.55pm 29.01.17ឆ្ពោះទៅកាន់ប្រទេសបារាំង ជើងទី ១០ ហើយ។ សូមបងប្អូនកុំជឿពាក្យឃោសនាអកុសលថា ផ្លែស្វាយរបស់ខ្មែរយើងមានមេរោគ ឬ ដង្កូវអោយសោះ។ អ្នកនិយមពិសាផ្លែស្វាយ ជាពិសេសបងប្អូនខ្មែរយើងដែលរស់នៅ សហគមន៍អឺរ៉ុប នាំគ្នារង់ចាំទទួលជួយទិញផ្លែស្វាយរបស់ខ្មែរយើងជានិច្ច"។

កាលពីឆ្នាំមុន ឯកឧត្ដមបណ្ឌិត ម៉ុង ឫទ្ធី បានចាត់ទុកដំណាំស្វាយ ជាប្រភេទដំណាំដែលប្រជាកសិករកម្ពុជានិយមដាំច្រើនបើធៀបនឹងដំណាំហូបផ្លែដទៃទៀត។ ប៉ុន្តែទីផ្សារនៃប្រភេទដំណាំនេះ មិនទាន់ទូលំទូលាយនៅឡើយ ទើបលោកព្យាយាមរកទីផ្សារសម្រាប់ដំណាំប្រភេទនេះ ដោយនាំចេញទៅកាន់ប្រទេសនៅតំបន់អឺរ៉ុប៕