អែត វីន ថាស្រីស្អាត៤រូប រឿងឱបថើប លេខ១បានទៅ តូតា
- 2017-02-01 06:13:32
- ចំនួនមតិ 0 | ចំនួនចែករំលែក 0
អែត វីន ថាស្រីស្អាត៤រូប រឿងឱបថើប លេខ១បានទៅ តូតា
ចន្លោះមិនឃើញ
កំលោះសង្ហារ អែត វីន បានប្រាប់ Sabay ថាឆ្លងកាត់ការសម្ដែងជាមួយតួស្រី៤រូបមាន នី មុន្នីនាថ តូតា ដួង ម៉ានិច និង សាឡាត់ ស្រីឡាង រួចមកតារាស្រីដែលលោកបានប៉ះ និងឱបថើបច្រើននៅពេលសម្ដែងបានទៅលើស្រីស្អាត តូតា ។
និស្សិតឆ្នាំទី៣នៃសកលវិទ្យាល័យជាតិគ្រប់គ្រង បន្តថា ឈុតឆាកឱបថើបកញ្ញា តូតា ច្រើនជាងគេគឺ នៅក្នុងរឿង "ម្ទេសហិលអំបិលប្រៃ" ដែលបានចាកបញ្ចាំងនៅទូរទស្សន៍ PNN កាលពីពេលថ្មីៗកន្លងទៅ។ ដោយឡែក ស្រីស្អាត ៣ នាក់ផ្សេងទៀតលោកប៉ះពាល់ និងឱបថើប នៅពេលសម្ដែងតិចជាងកញ្ញា តូតា ។
តួឯកប្រុសក្នុងរឿង "ម្ទេសហិលអំបិលប្រៃ" បន្ថែមថា ក្នុងចំណោមតួស្រីទាំង៤រូបហ្នឹង តារាស្រីដែលលោកអៀនខ្មាសជាងគេនៅពេលសម្ដែងគឺកញ្ញា នី មុន្នីនាថ នៅក្នុងរឿង "ភ្លើងស្នេហ៍ភ្លើងឬស្យា" ដោយសារតែនៅក្នុងរឿងនេះលោកសម្ដែងជាតួប្ដីរបស់ នី មុន្នីនាថ ណាមួយលោកមានអាយុតិចជាងតួស្រីទើបមានការខ្មាសអៀននៅពេលសម្ដែង ព្រោះទើបតែជួបគ្នាលើកទី១។
ទាក់ទងទៅតួឯកស្រី២នាក់ទៀត កញ្ញា សាឡាត់ ស្រីឡាង ប៉ះជាមួយលោក អែត វីន ក្នុងរឿង "មន្តស្នេហ៍ក្រមុំបាយឆា" កំពុងដំណើរការថត និងជួបជាមួយ កញ្ញា ដួង ម៉ានិច ក្នុងរឿង "ហង្សបាក់ស្លាប" កំពុងតែចាក់បញ្ចាំងនៅទូរទស្សន៍ ប៉ុស្តិ៍លេខ៥។ អែត វីន បញ្ជាក់៕