ជីករណ្ដៅសង់ផ្ទះឃើញវត្ថុទាំងនេះ អាចប្រាប់ម្ចាស់ពីសំណាងល្អ ឬអាក្រក់
- 2017-02-03 01:52:15
- ចំនួនមតិ 0 | ចំនួនចែករំលែក 0
ជីករណ្ដៅសង់ផ្ទះឃើញវត្ថុទាំងនេះ អាចប្រាប់ម្ចាស់ពីសំណាងល្អ ឬអាក្រក់
ចន្លោះមិនឃើញ
ជាការពិតណាស់ នៅពេលដែលលោកអ្នកចង់សង់ផ្ទះ អ្នកត្រូវពិនិត្យតាមដានអោយបានដិតដល់ចំពោះការងារសាងសង់តាំងពីដើមរហូតដល់ចប់។ ជាពិសេសពេលជីករណ្ដៅដើម្បីដាំបង្គោលសង់ផ្ទះ ពីព្រោះវាអាចប្រាប់ពីដំណឹងល្អ រឺដំណឹងអាក្រក់ដល់អ្នកបាន។
១ ឈើទ្រាំង
កាលបើលោកអ្នក ជីករណ្ដៅសង់ផ្ទះ ហើយប្រទះឃើញឈើទ្រាំងក្នុងដីរណ្ដៅ នោះលោកប្រាប់ថាជារឿងស៊យ។ ដូចនេះត្រូវប្រញាប់និមន្តព្រះសង្ឃសូត្រមន្ត យកទឹកប្រោះព្រំលើរណ្ដៅនោះ ទើបបានសេចក្ដីសុខដល់ជាង និង ម្ចាស់ផ្ទះ។
២ កំណាត់ខ្សែ រឺ លួស
បើពេលជីកទៅប្រទះឃើញកំណាត់ខ្សែ រឺ លួសក្នុងដីរណ្ដៅ នោះលោកថាជារឿងស៊យមួយផងដែរ។ អ្នកត្រូវប្រញាប់និមន្តព្រះសង្ឃសូត្រមន្ត យកទឹកប្រោះព្រំទៅលើរណ្ដៅនោះ ទើបជាង និង ម្ចាស់ផ្ទះបានសេចក្ដីសុខ។
៣ ដុំឥដ្ឋ រឺ ដីអាចម៍កណ្ដុរ
កាលបើលោកអ្នក ជីករណ្ដៅសង់ផ្ទះ ហើយប្រទះឃើញដុំឥដ្ឋ រឺ ដីអាចម៍កណ្ដុរ ក្នុងដីរណ្ដៅ លោកចំណាំថាជារឿងស៊យ។ ដូច្នេះដើម្បីកុំអោយមានរឿងមិនល្អដល់ជាង និង ម្ចាស់ផ្ទះ គេត្រូវប្រញាប់យកទឹកឃ្មុំទៅស្រោចក្នុងរណ្ដៅនោះភ្លាម។
៤ បន្ទះដែកក្រាស់
ប្រការដែលជារឿងស៊យមួយផងដែរ គឺពេលលោកអ្នក ជីករណ្ដៅសង់ផ្ទះ ហើយប្រទះឃើញបន្ទះដែកក្រាស់នៅក្នុងរណ្ដៅដី។ លោកប្រាប់ថាវត្ថុបែបនេះ នឹងធ្វើទុក្ខទោសដល់ម្ចាស់ផ្ទះ នៅមិនសុខឡើយ។ ដើម្បីអោយបានសេចក្ដីសុខដល់ជាង និង ម្ចាស់ផ្ទះ នោះគេត្រូវប្រញាប់យកផ្កាឈូក រឺ ស្មៅរណ្ដាស់ រឺ ទឹកលាងជើងព្រះសង្ឃ ដាក់ចូលទៅក្នុងរណ្ដៅភ្លាម។
៥ ទង់ដែង
មួយវិញទៀត កាលបើលោកអ្នក ជីករណ្ដៅហើយប្រទះឃើញទង់ដែង នោះលោកជឿថាជារឿងមិនល្អ ដែលអាចកើតមានហេតុចម្លែកៗជាញឹកញាប់ក្នុងផ្ទះនោះជាមិនខាន។ បើជួបរឿងបែបនេះ ម្ចាស់ត្រូវប្រញាប់និមន្តព្រះសង្ឃសូត្រមន្ត យកទឹកប្រោះព្រំទៅលើរណ្ដៅនោះ ទើបរួចផុតពីគ្រោះភ័យ។
៦ សំណកពោះដី
ប៉ុន្តែបើលោកអ្នក ជីករណ្ដៅសង់ផ្ទះ ហើយប្រទះឃើញសំណកពោះដីក្នុងដីរណ្ដៅដោយចៃដន្យវិញ នោះលោកថាមានលាភធំហើយ គឺពេលសង់ផ្ទះរួចនឹងមានទ្រព្យធនបរិបូរណ៍ ចំណែកជាងសង់ផ្ទះក៏នឹងជួបតែសេចក្ដីសុខសប្បាយដែរ។
៧ វត្ថុធ្វើពីប្រាក់ រឺ មាស រឺ ធ្យូងបុរាណ
កាលណាជីករណ្ដៅហើយប្រទះឃើញវត្ថុធ្វើពីប្រាក់ រឺ មាស រឺ មួយធ្យូងបុរាណ ក្នុងដីរណ្ដៅ បុរាណប្រាប់ថាជាវត្ថុនាំក្ដីចំរើនសុខដុម គឺគ្រួសារម្ចាស់ផ្ទះនឹងរួមរស់ជាមួយគ្នាដោយក្ដីសុខ មានអាយុយឺនយូរ និង ឈ្នះអស់សត្រូវយាយីទាំងពួងផងដែរ។
៨ ថ្មមានតម្លៃ រឺ រ៉ែ
មួយវិញទៀត ថ្មមានតម្លៃ រឺ រ៉ែ ដែលនៅក្នុងដីរណ្ដៅដែលជីកឃើញ ក៏ជាវត្ថុដែលមានសំណាងផងដែរ។ លោករៀបរាប់ថា ម្ចាស់ផ្ទះនឹងមានទ្រព្យសម្បត្តិច្រើនហូរហៀរ បានកូនមានរូបឆោមស្អាត ហើយរស់នៅចុះសម្រុងក្នុងក្រុមគ្រួសារទៀតផង។
៩ សំណ
ប្រសិនបើលោកអ្នក ជីករណ្ដៅហើយឃើញសំណនៅក្នុងរណ្ដៅដី នោះលោកទាយថាជារឿងល្អសម្រាប់ម្ចាស់ផ្ទះ គឺអ្នកនឹងមានបាវព្រាវប្រើមិនអស់ ចិត្តស្មោះត្រង់ ធ្វើស្រែបានស្រូវ និង ធ្វើការនាំភោគទ្រព្យចំរើនក្រៃលែង។
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
