ការពារជាតិ ល្ងាចនេះនឹងដាក់សមាជិកបម្រុងលេងទល់នឹងជើងខ្លាំង ស្វាយរៀង

2017-02-03 06:56:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ក្រសួងការពារជាតិល្ងាចនេះនឹងត្រូវប្រកួតលើកទី៣របស់ខ្លួនទល់នឹងក្រុមរូមជាតិគឺ ព្រះខ័នរាជស្វាយរៀង នៅកីឡដ្ឋានជាតិ វេលាម៉ោង ៦:៣០នាទីល្ងាច។

កីឡាករ Leandro Duarte

សម្រាប់ការប្រកួតនៅល្ងាចនេះរវាងក្រុមបាល់ទាត់ការពារជាតិ និងព្រះខ័នស្វាយរៀង មិនសូវជាសំខាន់ប៉ុន្មានឡើយ ដោយសារការប្រកួតនេះដើម្បីបង្គ្រប់កិច្ចតែប៉ុណ្ណោះ។ តាមការឲ្យដឹងពីគ្រូបង្គោលរបស់ក្រុមទ័ពប្រាប់ថា ការប្រកួតនេះនឹងដាក់ឲ្យកីឡាករដែលមិនទាន់បានលេងឲ្យចូល ដើម្បីឆ្លៀតឱកាសឲ្យកីឡាករដែលហត់នឿយពីរប្រកួតកន្លងមកបានសម្រាក។

កីឡាករ ច្រឹង ពលរដ្ឋ

ការប្រកួតជាប់ៗគ្នាយ៉ាងនេះ ធ្វើឲ្យកីឡាករនឿយហត់ខ្លាំង ហើយប៉ះពាល់ដល់សាច់ដុំ។ មែនទែនទៅគេត្រូវឲ្យកីឡាករសម្រាកយ៉ាងតិចក៏៧២ម៉ោង ទើបអាចប្រកួតបានវិញ។ គ្រូបង្វឹករូបនេះបន្តទៀតថា សម្រាប់ការប្រកួតត្រៀមមុនបើករដូវការថ្មី ក្រុមរបស់លោកនឹងរៀបចំឲ្យល្អជាងពេលកន្លងទៅ។ ពានរង្វាន់មិត្តភាពអន្តរជាតិ Asia Club Pre-Season Championship (ACC) ប្រកួតជាប់ៗគ្នាដូចនេះគឺដោយសារមិនមានពេលគ្រប់គ្រាន់ ព្រោះវាកៀកនិងពានរង្វាន់លីគកំពូលកម្ពុជាដែលនឹងបើករដូវការថ្មីនៅប៉ុន្មានថ្ងៃខាងមុខ។ ក្រុមទ័ពមាន៦ពិន្ទុក្នុងដៃដោយពីរប្រកួតមុននោះឈ្នះទាំងពីរ ដោយលើកទី១ ឈ្នះ Warriors FC (សិង្ហបុរី) ២-១ និងឈ្នះ Petaling Jayarangers FC (ម៉ាឡេស៊ី) ២-១៕

អត្ថបទ៖ នួន ស៊ីណា