ចង់ស្វែងយល់ពីផែនការកសាងទ្រព្យសម្បត្តិ កុំភ្លេចចូលរួមកម្មវិធី ស្ថាបនាធនធាន
- 2017-02-03 09:33:20
- ចំនួនមតិ 0 | ចំនួនចែករំលែក 0
ចង់ស្វែងយល់ពីផែនការកសាងទ្រព្យសម្បត្តិ កុំភ្លេចចូលរួមកម្មវិធី ស្ថាបនាធនធាន
ចន្លោះមិនឃើញ
ព្រឹត្តិការណ៍"ស្ថាបនាធនធាន (Wealth Building)" ចែករំលែកចំណេះដឹងហិរញ្ញវត្ថុដល់សាធារណជន បង្ហាញផលិតផល និងសេវាកម្មទីផ្សារ ផ្ដល់ឱកាសសម្រាប់អ្នកបង្កើតអាជីវកម្ម ជួបនឹងដៃគូពាណិជ្ជកម្ម វិនិយោគិន នឹងប្រារព្ធឡើងនាថ្ងៃ ទី១៦-១៧ ខែកុម្ភៈខាងមុខនេះ នៅសណ្ឋាគារសុខា ភ្នំពេញ។
ព្រឹត្តិការណ៍ខាងលើ នឹងរៀបចំបីពិព័រណ៍ រួមបញ្ចូលគ្នា គឺវេទិកាគ្រប់គ្រងទ្រព្យសម្បត្តិ ពិព័រណ៍ទីផ្សារ និងពិព័រណ៍ Startup (សម្រាប់អ្នកចង់ចាប់ផ្ដើមអាជីវកម្ម) ។ ក្នុងពិព័រណ៍នោះផងដែរ អ្នកចូលរួម នឹងអាចចូលរួមសិក្ខាសាលា ដើម្បីទទួលបានចំណេះដឹង ពីសំណាក់វាគ្មិន ដែលមានបទពិសោធន៍ក្នុងជីវិតការងារប្រចាំថ្ងៃផ្សេងៗគ្នា ក៏ដូចជាឱកាសចែករំលែកចំណេះដឹង ទៅវិញទៅមកផងដែរ។
នាថ្ងៃទី ១៦ កុម្ភៈ ២០១៧ ម៉ោង ១១-១២ ថ្ងៃត្រង់ លោកខាំ ពិសិដ្ឋដែលជាអ្នកជំនាញយុទ្ធសាស្ត្រ ផ្នែកជីវិត និងជាស្ថាបនិកអាជីវកម្ម នឹងចូលរួមចែករំលែកបទពិសោធន៍ក្នុង ពិព័រណ៍វេទិកាទ្រព្យសម្បត្តិ ផងដែរ ដែលក្នុងនោះអ្នកចូលរួមអាចស្រាយចម្ងល់ពី បញ្ហាហិរញ្ញវត្ថុមួយចំនួនដូចជា៖
រៀបចំផែនការទ្រព្យសម្បត្តិ បែបណាទើបល្អ?
តើធានារ៉ាប់រងប្រភេទណា ដែលអ្នកត្រូវការជាចាំបាច់?
អ្នកគួរប្រើកម្ចីច្រើនពេក ឬយ៉ាងណា?
ការសន្សំសម្រាប់ការចូលនិវត្តន៍របស់អ្នក
ការធ្វើផែនការវិនិយោគផ្ទាល់ខ្លួន
ទិញផ្ទះមួយដែលសក្ដិសម នឹងខ្លួនអ្នក
យល់ដឹងពីការវិនិយោគលើអចលនទ្រព្យ
តើអ្នកគួរតែឈប់ពីការងារ ហើយចាប់ផ្ដើមអាជីវកម្មដែរឬទេ?
រំលឹកផងដែរថា ដើម្បីបង្កើតឲ្យមានកិច្ចសន្ទនាដោយផ្ទាល់ក្នុងចំណោមភាគីពាក់ព័ន្ធក្នុងអំឡុង វគ្គសំណួរ ចម្លើយ សូមចុះឈ្មោះតាមរយៈ ៖ wealthbuildingcambodia.com
ទំនាក់ទំនងទិញសំបុត្រ តាមរយៈទូរស័ព្ទ៖ ០២៣ ៦៩៤ ៤៤៤៤ / ០៧១ ៣៣៣៣ ២០៨ តម្លៃសំបុត្រចូលរួមសិក្ខាសាលា សម្រាប់អ្នកធ្វើការ ២៥ដុល្លារ សម្រាប់សិស្ស ១៥ ដុល្លារ ចំពោះការទិញចាប់ពី៣សំបុត្រឡើងទៅ នឹងមានការបញ្ចុះតម្លៃពិសេស។