Barcelona ស្នើសុំលេងផ្ដាច់ព្រ័ត្រ Copa del Rey នៅកីឡដ្ឋានក្លឹប Real Madrid
- 2017-02-09 09:35:36
- ចំនួនមតិ 0 | ចំនួនចែករំលែក 0
Barcelona ស្នើសុំលេងផ្ដាច់ព្រ័ត្រ Copa del Rey នៅកីឡដ្ឋានក្លឹប Real Madrid
ចន្លោះមិនឃើញ
ក្លឹប FC Barcelona គ្រោងដាក់សំណើដល់សហព័ន្ធបាល់ទាត់អេស្ប៉ាញ (SFF) សុំឲ្យរៀបចំការប្រកួតផ្ដាច់ព្រ័ត្រពានរង្វាន់ Copa del Rey នៅកីឡដ្ឋាន Santiago Bernabeu របស់ក្លឹបគូប្រជែងធំរបស់ខ្លួន Real Madrid។
Barca បានឡើងផ្ដាច់ព្រ័ត្រ Copa del Rey ក្រោយឈ្នះ Atletico Madrid សរុបទាំងពីរជើង ៣-២ នៅវគ្គពាក់កណ្ដាលផ្ដាច់ព្រ័ត្រ ខណៈដែលពូកគេ នឹងត្រូវប៉ះ Alaves ដែលទើបទម្លាក់ Celta Vigo យប់មិញ នៅថ្ងៃទី២៧ ខែឧសភាខាងមុខ។ មន្ត្រីក្លឹប Barca ម្នាក់ បានឲ្យដឹងថា មូលហេតុដែលធ្វើឲ្យក្រុមអ្នកមានបុណ្យចង់លេងនៅ Santiago Bernabeu ព្រោះទីនោះជាទីតាំងដ៏ល្អឥតខ្ចោះ សម្រាប់ក្រុមទាំង២ និងសម្រាប់អ្នកគាំទ្រ។
តាមពិត នេះមិនមែនជាលើកទី១ទេ ដែលក្រុមយក្ស La Liga សុំលេងនៅកីឡដ្ឋានរបស់គូប្រជែងធំដូចជានៅកីឡដ្ឋាន Santiago Bernabeu។ កន្លងមក ពួកគេក៏ធ្លាប់លេងនៅកីឡដ្ឋាននេះ ច្រើនដងហើយមកដែរ៕