យ៉េន ឌីណា និងប្អូនប្រុសរួមដៃគ្នារកលុយជួយឪពុកម្តាយ
- 2017-03-10 01:52:09
- ចំនួនមតិ 0 | ចំនួនចែករំលែក 0
យ៉េន ឌីណា និងប្អូនប្រុសរួមដៃគ្នារកលុយជួយឪពុកម្តាយ
ចន្លោះមិនឃើញ
អ្នកប្រដាល់គុនខ្មែរមកពីខេត្តជាប់សមុទ្រ យ៉េន ឌីណា ប្រភពចំណូលក្នុងគ្រួសារគឺពឹងលើរូបគេនិងប្អូនប្រុសបង្កើតទាំងស្រុង ព្រោះឪពុកម្ដាយមានវ័យចាស់ទៅហើយ មិនអាចចុះនេសាទបានទៀតទេ។
អ្នកលេងគុនខ្មែរ យ៉េន ឌីណា បានរៀបរាប់ពីទុក្ខលំបាកមួយចំនួន របស់ក្រុមគ្រួសារ ដោយមានបញ្ហាជីវភាពពេក ក្នុងនាមជាបងប្រុសបង្កើតក៏សម្រេចចិត្តឲ្យប្អូនបញ្ឈប់ការសិក្សាត្រឹមថ្នាក់ទី៨ ដើម្បីរកចំណូលជួយបន្ថយសម្រាលគ្រួសារ។ ម្ដាយឈ្មោះ កែវ ផុន និងឪពុក ប៉ោ សុខ មានវ័យជាង ៥០ឆ្នាំទៅហើយ មិនអាចបន្តអាជីពនេសាទបានទៀតឡើយ។
ឪពុកម្ដាយរបស់ ឌីណា អតីតជាអ្នកនេសាទសមុទ្រ ដោយឃើញអ្នកមានគុណរបស់គេ មានអាយុច្រើនទៅហើយ អ្នកប្រដាល់សាច់សរូបនេះ ប្រាប់ឲ្យឈប់សម្រាកនៅផ្ទះទៅ ប្រាក់ចំណូលចាំគេនិងប្អូនជាអ្នករ៉ាប់រង។ ប្អូនប្រុសរបស់ជើងខ្លាំងម្នាក់នេះឈ្មោះ ប៉ោ ធារ៉ា អាយុ១៩ឆ្នាំ ធ្វើការរោងចក្រនៅឯខេត្តកោះកុង បានប្រាក់ជិត ២០០ ដុល្លារក្នុងមួយខែ ស្របពេល យ៉េន ឌីណា ឡើងប្រកួតជាមួយបរទេសបានលុយជាង ៣០០ដុល្លារ ហើយផ្ញើឲ្យគ្រួសារបានជាងពាក់កណ្ដាលផងដែរ។ យ៉េន ឌីណា មានបងប្អូន៣នាក់ ប្រុសទាំងអស់ បងប្រុសឈ្មោះ ប៉ោ កុសល និងប្អូនឈ្មោះ ប៉ោ ធារ៉ា ជាអ្នកខេត្តកោះកុង។ កីឡាកររូបនេះទើបបានឡើងប្រកួត១លើកវិញទេ ក្រោយមានរបួសបាក់ក្ដោងច្រមុះ ហើយគេនឹងឡើងប្រកួតនៅថ្ងៃទី១២ ខែកុម្ភៈ ឆ្នាំ ២០១៧ ខាងមុខនេះនៅសង្វៀន អាស៊ីអាគ្នេយ៍៕