TOP អង្វរអ្នកគាំទ្រឈប់ឲ្យធ្វើបែបនេះទៀត

2017-02-10 12:36:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្សិលមិញនេះសមាជិកចាស់ជាងគេក្នុងក្រុម BIGBANG គឺ TOP បានចាកចេញពីសិល្បៈ ដើម្បីទៅបំពេញកាតព្វកិច្ចយោធា ហើយ TOP បានអង្វរអ្នកគាំទ្រឲ្យឈប់ធ្វើនូវទង្វើដែលពួកគេកំពុងធ្វើ។

TOP ធ្លាប់បានលើកឡើងថា ពេលដែលត្រូវចាកចេញទៅបំពេញកាតព្វកិច្ចយោធា គឺរូបគេចង់ចាកចេញទៅដោយស្ងប់ស្ងាត់ មិនចង់ធ្វើកម្មវិធីលាអ្នកគាំទ្រអ្វីច្រើននោះទេ ព្រោះ TOP គិតថាវាមិនមែនជារឿងដែលវិសេសវិសាលនោះទេសម្រាប់ខ្លួនទើបគេទាមទាមិនព្រមរៀបចំកម្មវិធីអ្វីទាំងអស់។

ជាមួយគ្នានោះដែរផលិតកម្ម YG ជាជម្រករបស់ BIGBANG បានចេញសេចក្ដីប្រកាសពីគោលបំណងធំរបស់ TOP ដែលចង់ចាកចេញទៅស្ងាត់ៗនេះដែរ និងព្រមគោរពតាមការសម្រេចចិត្តគ្រប់យ៉ាងរបស់ម្ចាស់បទ "Doom DaDa” ផងដែរ។ ប៉ុន្តែអ្នកគាំទ្រមួយចំនួនតូចមិនបានស្ដាប់នោះទេ ពួកគេបានបង្កចលាចលនៅទីសាធារណៈ ក៏ដូចជាកន្លែងហាត់យោធាផ្ទាល់ ដោយពួកគេលើកបដាផ្សេងៗ និងបង្ហោះប៉េងប៉ោងជាច្រើន ដែលផ្ទុយពីបំណងរបស់ TOP ចង់បានភាពស្ងប់ស្ងៀមក្នុងរយៈពេល២ឆ្នាំ ទៅបំពេញកាតព្វកិច្ច៕