ដំណោះស្រាយកម្ចាត់មុនក្នុងថ្ងៃសេចក្ដីស្រលាញ់

2017-02-14 10:01:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីអបអរថ្ងៃ Valentine's Day ផនស៍ (Pond's) ផលិតផលថែរក្សាស្បែកមុខ បានបង្ហាញផលិតផលថ្មី ថ្ងៃទី១៣-១៤ កុម្ភៈ ដែលអាចដោះស្រាយបញ្ហាកើតមុនយ៉ាងឆាប់រហ័ស និងមានប្រសិទ្ធភាព។

ផលិតផលថ្មីនេះមានឈ្មោះថា ផនស៍ អាកនេក្លៀរ (Pond’s Acne Clear) ដែលបញ្ចូល Lock+Clear ជាបច្ចេកវិទ្យាថ្មី និងដំបូងគេបង្អស់ជាមួយសារធាតុ Active Thymo-T Essence ចូលជ្រៅក្នុងកោសិកាស្បែកដើម្បីទប់ស្កាត់បាក់តេរី និងកម្ចាត់មុនតាំងពីឫសគល់។

អ្នកនាង លឹម ពៅវណ្ណរី ប្រធានម៉ាកផលិតផល Pond's នៃក្រុមហ៊ុនយូនីលីវើក្នុងទីផ្សារកម្ពុជា ថ្លែងថា៖ "មុន បង្កជាបញ្ហាយ៉ាងខ្លាំងក្នុងចំណោមនារីទាំងឡាយនៅកម្ពុជា រាប់បញ្ចូលទាំងមនុស្សវ័យជំទង់ និងមនុស្សពេញវ័យ។ យើងនាំយកផលិតផល Pond’s Acne Clear ដើម្បីដោះស្រាយបញ្ហាមុនយ៉ាងមានប្រសិទ្ធភាព"។

រយៈពេលពីរថ្ងៃ ក្រុមការងារ Pond's ផ្ដល់ការពិនិត្យស្បែកមុខ និងគន្លឹះផ្សេងៗក្នុងការថែរក្សាស្បែកមុខឲ្យភ្លឺស្រស់ស្អាត គ្មានមុន និងឲ្យផលិតផលប្រើសាកល្បងដោយឥតគិតថ្លៃដល់សាធារណជននៅ AEON ផងដែរ។

លោក យិន វុទ្ធី វេជ្ជបណ្ឌិតឯកទេសស្បែក និងកែសម្ផស្សដោយឥតវះកាត់ បានចែករំលែកពីចំណេះដឹងខ្លះៗពីបញ្ហានាំឲ្យកើតមុន ដោយថា៖ "ក្នុងពិភពលោកយើង មានការវិវត្តឥតឈប់ឈរដែលបណ្ដាលឲ្យស្បែកយើងកាន់តែមានបញ្ហាថែមទៀត។ របៀបរស់នៅប្រចាំថ្ងៃ កាលវិភាគការងារមមាញឹក របបអាហារមិនទៀងទាត់ ស្ត្រេស និងផ្សែងពុលផ្សេងៗសុទ្ធតែរួមចំណែកបង្កឲ្យមានបញ្ហាកើតមុន"។

អ្នកចូលរួមកម្មវិធីទិវានៃក្ដីស្រលាញ់ជាមួយ Pond's ក៏មានឱកាសរីករាយជាមួយសកម្មភាពផ្សេងៗ ទាក់ទងនឹងខ្សែភាពយន្តភាគខ្លី «មុនស្នេហ៍ប្រធានថ្នាក់តូច» ហើយមានឱកាសជួបតារាសម្ដែងក្នុងរឿងនេះនៅល្ងាចថ្ងៃទី១៤ កុម្ភៈ។ អ្នកចូលរួមកាលពីថ្ងៃទី១៣ កុម្ភៈ ក៏បានរីករាយការប្រគំតន្ត្រីដោយកញ្ញា រុន ស៊ីរ៉ា និងក្រុមចម្រៀង The Ocean ទៀតផង៕