ត្រាំ​ ធ្លាប់​​បរាជ័យ​គម្រោង​សង់​នាវា​ស្អាត​បំផុត​លើ​លោក ព្រោះ​មូល​ហេតុ​នេះ​

  • 2017-02-15 03:50:28
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតី​អាមេរិក​លោក​ដូណាល់ ត្រាំ ​ធ្លាប់​មាន​គម្រោង​សាង​សង​នាវា​លក្ខណៈ​ឯក​ជន​ស្អាត​ជាង​គេ​​បំផុត​ក្នុង​លោក​​កាល​ឆ្នាំ​១៩៩៣ ដោយ​ដាក់​ឈ្មោះ​ថា​ «Trump Princess» ប៉ុន្តែ​គម្រោង​នេះ​ត្រូវ​បាត់​ស្រមោល​ទៅ​វិញ​ដោយ​សារ​មូល​ហេតុ​គួរ​ឲ្យ​សោក​ស្ដាយ​ខាង​ក្រោម។

នាវា​ប្រណិត​នេះ​ត្រូវ​បាន​ឌីហ្សាញ​រួច​រាល់​ហើយ​ជា​មួយ​ក្ដី​សង្ឃឹម​ខ្ពស់​​ថា​នឹង​អាច​កើត​មាន​ឡើង​មែន។ ​កាល​នោះ​ Trump​ បាន​​​ចាយ​ប្រាក់​ឲ្យ​​ក្រុម​ហ៊ុន​សាងសង់​នាវា​​ប្រមាណ​ជាង​​១៧​ម៉ឺន​ដុល្លារ ​​សម្រាប់​ឌីហ្សាញ ​​ជាមួយ​ប្រវែង​នាវា​១២៨​ម៉ែត្រ​។

ការ​ឌីហ្សាញ​ដ៏​ស្មុគស្មាញ​របស់​​នាវា​ខាង​លើ ត្រាំ​​បាន​រៀប​រាប់​ថា Trump Princess នឹង​ក្លាយ​ជា​នាវា​ស្អាត​បំផុត​ក្នុង​លោក​ដោយ​វា​មាន​កម្ពស់​​​៤​ជាន់ ​កន្លែង​ចត​ឧទ្ធម្ភាគចក្រ ​កន្លែង​សាឡុង​អង្គុយ ​អាង​ហែលទឹក ​អាង​ត្រាំ​ទឹក​ក្ដៅ​ឧណ្ហៗ និង​​លើ​នាវា​តុបតែង​​ដោយ​ដើម​​ត្នោត។ ​គម្រោង​ត្រូវ​បាន​ផ្អាក​​ក្រោយ​ដូណាល់ ត្រាំ ​ជួប​​បញ្ហា​​សេដ្ឋកិច្ច​​អស់​ប្រាក់​ពេល​នោះ។​

​គម្រោង​​ឌីហ្សាញ​ឡើង​ដោយ​ក្រុម​​​អ្នក​ជំនាញ​​​ឌីហ្សាញ​នាវា​អេស្ប៉ាញ Oliver Design ​ហើយ​គម្រោង​​មិន​ដំណើរ​ការ ​ពួក​គេ​ក៏​បញ្ចេញ​រូប​ថត​​ទាំង​នោះ​ឲ្យ​មើល។ ​ក្នុង​សំបុត្រ​របស់​ត្រាំ​ផ្ញើ​ទៅ​ឲ្យ​​ក្រុម​ហ៊ុន​ឌីហ្សាញ​​សរសេរ​ថា «​ខ្ញុំ​ចាប់​អារម្មណ៍​នឹង​ការ​​សាង​សង់​​នាវា​​ប្រវែង ៤២០​​ហ្វីត (១២០ម៉ែត្រ) នៅ​ពេល​បញ្ចប់​វា​មិន​ត្រឹម​តែ​ជា​​នាវា​ជិះ​កម្សាន្ត​​ធំ​ជាង​គេ​បំផុត​ក្នុង​លោក​នោះ​ទេ ថែម​ទាំង​​ស្រស់​ស្អាត​ជាង​គេ​ទៀត​ផង។ ការ​ឌីហ្សាញ​​នាវា ដែល​លោក​បាន​បង្ហាញ​ខ្ញុំ​ គឺ​ស្អាត​ណាស់​។ ខ្ញុំ​ជឿ​ថា​ប្រសិន​បើ​​វា​​អាច​កើត​ឡើង​មែន​ វា​នឹង​ចូល​រួម​ចំណែក​​ជាមួយ​​មនុស្ស​ជា​ច្រើន​​ក្នុង​គម្រោង​រួម​ទាំង​ប្រទេស​​អេស្ប៉ាញ​របស់​អ្នក​ផង​ដែរ។»

​​​ពេល​គម្រោង​ត្រូវ​បាន​រំសាយ​ចោល លោក Oliver បាន​រក​ឃើញ​ថា​មហាសេដ្ឋី​ជំនួញ​​ត្រាំ ​កំពុង​រង​គ្រោះ​ដោយ​សារ​ក្ស័យធន​ក្នុង​ការ​បើក​សណ្ឋាគារ Plaza Hotel ក្នុង​ទីក្រុង​ញូវយ៉ក​​​ ដោយ​មាន​បំណុល​ជាង ៥៥០​លាន​ដុល្លារ​​អាមេរិក៕

ត្រាំ និង​លោក Oliver

ប្រភព៖ Mirror   ប្រែ​សម្រួល៖ ឡេង ភារុណ

អត្ថបទពេញនិយម
អត្ថបទថ្មី