ទៅភ្នំហើយ! ទីផ្សារ BlackBerry ធ្លាក់ដល់ ០%
- 2017-02-16 02:01:39
- ចំនួនមតិ 0 | ចំនួនចែករំលែក 0
ទៅភ្នំហើយ! ទីផ្សារ BlackBerry ធ្លាក់ដល់ ០%
ចន្លោះមិនឃើញ
ក្រុមហ៊ុនវិភាគ Gartner បានបញ្ចេញស្ថិតិថ្មីមួយបង្ហាញពីទំហំទីផ្សារប្រព័ន្ធប្រតិបត្តិការរបស់ស្មាតហ្វូនប្រចាំត្រីមាសទី ៤ ឆ្នាំ ២០១៦ ដែលបង្ហាញថាទីផ្សារប្រព័ន្ធប្រតិបត្តិការ BlackBerry ធ្លាក់ចុះដល់ ០,០% ឯណោះ។
តាមតារាងបង្ហាញថាស្មាតហ្វូនប្រើប្រព័ន្ធប្រតិបត្តិការ BlackBerry លក់ចេញបានតែប្រមាណ ២០៧ ៩០០ គ្រឿងប៉ុណ្ណោះ ដែលស្មើនឹង ០,០% នៃទំហំទីផ្សារសរុប។ ធៀបនឹងរយៈពេលដូចគ្នាកាលឆ្នាំ ២០១៥ គឺលក់ចេញបានប្រមាណ ៩០៦ ៩០០ គ្រឿង ស្មើនឹង ០,២% នៃទំហំទីផ្សារ។
មិនមែនតែ BlackBerry ទេដែលធ្លាក់ចុះនោះសូម្បីតែស្មាតហ្វូនប្រើប្រព័ន្ធប្រតិបត្តិការ Windows ក៏ធ្លាក់ចុះដល់ ០,៣% ដោយលក់ស្មាតហ្វូនបានប្រមាណ ១,០៩ លានគ្រឿង។ ធៀបនឹងឆ្នាំមុនលក់ចេញបានដល់ ៤,៣៩ លានគ្រឿង ស្មើនឹង ១,១% នៃទំហំទីផ្សារ។
ដោយឡែកចំនួនលក់ចេញរបស់ស្មាតហ្វូនប្រើប្រព័ន្ធប្រតិបតិ្តការ Android និង iOS នៅតែបន្តកើនឡើងនៅត្រីមាសទី ៤ ឆ្នាំ ២០១៦ កន្លងទៅ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
