Barcelona ចាប់អារម្មណ៍អ្នកចាត់ការនៅ EPL ៣នាក់ ដើម្បីជំនួស Enrique

2017-02-21 02:54:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបអ្នកមានបុណ្យ FC Barcelona កំពុងចាប់អារម្មណ៍លើអ្នកចាត់ការក្រុមនៅ English Premier League ចំនួន៣នាក់ ដែលអាចនឹងទៅដឹកនាំក្រុម Barca នៅរដូវកាលក្រោយ ជំនួសតំណែងអ្នកចាត់ការបច្ចុប្បន្ន Luis Enrique។

Luis Enrique អ្នកចាត់ការក្រុម Barcelona បច្ចុប្បន្ន

អ្នកចាត់ការសញ្ជាតិអេស្ប៉ាញ Enrique កំពុងតែមានសម្ពាធពីអ្នកគាំទ្រក្រុម Barcelona ខ្លាំង ដែលអាចនឹងត្រូវចាកចេញ ក្រោយចប់រដូវកាលនេះ បន្ទាប់ពីដឹកនាំក្រុមពុំសូវបានល្អ ដោយបច្ចុប្បន្នស្ថិតនៅលេខ២ ក្នុងតារាង La Liga ចាញ់គូប្រជែងធំ Real Madrid ដែលសល់២ប្រកួតក្នុងដៃ១ពិន្ទុ និងចាញ់ PSG ៤-០ នៅ UEFA Champions League វគ្គ១៦ក្រុម ជើងទី១ កាលពីសប្ដាហ៍មុនទៀត។

Jurgen Klopp (ស្តាំ) អ្នកចាត់ការក្រុម Liverpool

បើតាម The Sun បានឲ្យដឹងថា ក្លឹបអ្នកមានបុណ្យកំពុងសម្លឹងចង់បាន អ្នកចាត់ការសញ្ជាតិអាល្លឺម៉ង់ Jurgen Klopp របស់ក្រុម Liverpool ជាគោលដៅធំ សម្រាប់ដឹកនាំក្រុម Barcelona រដូវកាលក្រោយ។ គោលដៅបន្ទាប់គឺ អ្នកចាត់ការសញ្ជាតិអាហ្សង់ទីន Mauricio Pochettino របស់ក្រុម Tottenham Hotspur និងអ្នកចាត់ការសញ្ជាតិហូឡង់ Ronald Koeman របស់ក្រុម Everton ជាជម្រើសទី៣៕