ភ្ញាក់ផ្អើល! រកឃើញហ្វូស៊ីលជន្លេនយក្សស៊ីសាច់ ប្រវែង២ម៉ែត្រ រស់កាល ៤០០ លានឆ្នាំមុន
- 2017-02-21 13:30:42
- ចំនួនមតិ 0 | ចំនួនចែករំលែក 0
ភ្ញាក់ផ្អើល! រកឃើញហ្វូស៊ីលជន្លេនយក្សស៊ីសាច់ ប្រវែង២ម៉ែត្រ រស់កាល ៤០០ លានឆ្នាំមុន
ចន្លោះមិនឃើញ
ហ្វូស៊ីលជន្លេនយក្សដែលចាប់សត្វជាអាហារ រស់នៅក្នុងសមុទ្រកាលពី ៤០០ លានឆ្នាំមុន ត្រូវរកឃើញនៅបាតសមុទ្រ Hudson Bay ក្បែរខេត្ត Ontario ប្រទេសកាណាដា។
ជន្លេនយក្សនេះត្រូវឲ្យឈ្មោះថា Websteroprion Armstrongi និងមានប្រវែងប្រហែល ២ម៉ែត្រ។ បើតាមហ្វូស៊ីលថ្គាមជន្លេនយក្ស ត្រូវអ្នកវិទ្យាសាស្ត្រ លោក Luke Parry អះអាងថា មានរូបរាងស្រដៀងគ្នាទៅនឹងជន្លេនប្រភេទ Bobbit ដែលរស់នៅក្នុងសមុទ្រសព្វថ្ងៃ។
អ្នកវិទ្យាសាស្ត្ររូបនេះ បញ្ជាក់ថា Websteroprion Armstrongi មានទំហំធំដល់ម្ល៉ឹង ដោយសារវារស់នៅទីកន្លែងក្តៅល្មមនិងក្នុងសមុទ្រត្រូពិកជ្រៅ។ ឥទ្ធិពលប្រកួតប្រជែងដណ្ដើមចំណីគ្នា ក៏ជាតឹកតាងបង្ហាញថាជន្លេនប្រភេទនេះមានទំហំធំ ព្រោះថាខ្លួនកាន់តែធំ វានឹងអាចចាប់ចំណីឈ្នះគេ។
លោកថា ប្រភេទជន្លេន Websteroprion Armstrongi និង Bobbit សុទ្ធតែរស់នៅបាតសមុទ្រមានជម្រៅជ្រៅ ហើយប្រើព្រុយរបស់វា ដើម្បីដឹងថាចំណីណាខ្លះកំពុងខិតចូល។ ពេលដឹងថាចំណីមកជិត នោះវានឹងប្រើមាត់និងធ្មេញធំរបស់វា ហក់ត្របាក់ ហើយទាញចូលស៊ីក្នុងដី៕
ប្រភេទសត្វសមុទ្រស៊ីសាច់ជាអាហារស្រដៀងគ្នា៖